မိတ္ထီလာမြို့၊ ပြည်သာယာဈေးတွင် ၂၀၂၅ ခုနှစ် ဒီဇင်ဘာလပထမပတ်တွင် ရောင်းချ လျက်ရှိသော ထန်းမြစ်များကို မိတ္ထီလာမြို့နှင့်အနီးတဝိုက်ကျေးရွာများရှိ ထန်းပင်များမှ တိုက်ရိုက် ထွက်ရှိသည်ဟု သိရပါသည်။ လက်ရှိဈေးနှုန်းများအရ (၁၀)ချောင်းပါတစ်စီးကို(၂၅၀၀)ကျပ်၊ (၂၅)ချောင်းပါတစ်စီးလျှင်(၄၀၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိကြောင်းသိရသည်။ ထန်းမြစ်ကို မီးဖုတ်၍သော်လည်းကောင်း၊ ပြုတ်၍သော်လည်းကောင်းစားသုံးကြပါသည်။ မိတ္ထီလာမြို့တွင် ထန်းမြစ်ဈေးနှုန်း၊ ဈေးကွက်အနေနှင့် ဈေးနှုန်းတည်ငြိမ်လျက်ရှိကြောင်း ပြည်သာယာဈေးရှိ ကုန်သည်များထံမှသိရသည်။
DOCA(မန္တလေး)