“ခရမ်းမြို့နယ်ရှိ ဆန်ဆိုင်များအား ကွင်းဆင်းစစ်ဆေးခြင်း”

       ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် ဆန်ဈေးနှုန်းတည်ငြိမ်ပြီး ဈေးနှုန်းမြှင့်တင်ရောင်းချခြင်းများ မရှိစေရန်အတွက် တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံသည် မြို့နယ်စည်ပင်သာယာ ရေးအဖွဲ့မှ တာဝန်ရှိသူများနှင့် ပူးပေါင်း၍ ဒီဇင်ဘာလ(၄)ရက်နေ့၊ နေ့လယ်(၁၂:၀၀)နာရီအချိန်တွင် ဆန်ဆိုင်များအား ကွင်းဆင်းစစ်ဆေးခဲ့ကြောင်း သိရှိရပါသည်။

        ထိုသို့ ကွင်းဆင်းစစ်ဆေးရာတွင် စည်ပင်သာယာဈေးအတွင်းရှိ ကရင်ကန်ဆန်ဆိုင်၊ ပြည့်ဝဆန်ဆိုင်နှင့် ဈေးပြင်ပရှိ ဒေါ်သောင်းသောင်းဆန်ဆိုင်၊ ရွှေခြင်္သေ့ဆန်ဆိုင်၊ ငြိမ်းဆန်ဆိုင်များတွင် ရောင်းချနေသော ကြားပျံဆန်၊ ဆင်းသုခ၊ အနောသုခ၊ ပခမ်း၊ အညာသားဆန်များ၏ အဟောင်း/အသစ် (၁)အိတ်ဈေးနှုန်းများ ယခင်အပတ်၊ ယခုအပတ်ဈေးနှုန်းများအား ကောက်ခံခြင်းနှင့် ဝယ်ယူဈေးနှုန်း ရောင်းချဈေးနှုန်းများအား ကောက်ခံစစ်ဆေးခဲ့ပြီး ဆန်ဆိုင်ပိုင်ရှင်များအား ဆန်များကို ဈေးကစားရန်ရည်ရွယ်၍ သိုလှောင်ထားပြီး ဈေးနှုန်းမြှင့်တင် ရောင်းချမှုများရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူဆောင်ရွက်သွားမည်ကို အသိပေးခဲ့ကြောင်း သိရှိရပါသည်။

DOCA(ရန်ကုန်)