မြင်းခြံမြို့နယ်အတွင်းရှိ စံပြဈေးနှင့် အေးမြသီတာဈေးတို့တွင် ရောင်းချနေသော ဘုရားပန်းအမျိုးမျိုးကို ရှမ်းပြည်နယ်တောင်ပိုင်းဖြစ်သော အောင်ပန်းမြို့နှင့် မန္တလေးမြို့တို့မှ မှာယူရောင်း ချကြောင်း၊ ၂၀၂၅ ခုနှစ်၊ ဒီဇင်ဘာလ၌ရောင်းချနေသော ပန်းမျိုးစုံဈေးနှုန်းများအနေဖြင့် မေမြို့ပန်း တစ်စည်းလျှင် (၁၅၀၀-၂၀၀၀) ကျပ်၊ ပန်းထိမ်ငိုပန်းတစ်စည်းလျှင် (၂၀၀၀) ကျပ်၊ သစ္စာ ပန်းတစ်စည်းလျှင် (၂၅၀၀-၃၀၀၀) ကျပ်၊ ဂျပန်အနီနှင်းဆီ ၁၀ ပွင့်ပါတစ်စည်းလျှင် (၃၀၀၀-၃၅၀၀) ကျပ်၊ လီလီပန်းတစ်ခက်လျှင် (၁၉၀၀၀) ကျပ်၊ စိန်လယ်တုံတစ်စည်းလျှင် (၁၀၀၀-၁၅၀၀) ကျပ်နှင့် နှင်းပန်းတစ်စည်းလျှင် (၁၀၀၀) ကျပ်၊ သပြေပန်းတစ်စည်းလျှင် (၁၀၀၀)ကျပ်နှင့် သပြေငုပ် တစ်ခက်လျှင် (၁၅၀၀)ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လနှင့် နှိုင်းယှဉ် ပါက ယခုလတွင် ပန်းအမျိုးအစားအလိုက် (၅၀၀) ကျပ်ခန့် ဈေးနှုန်းများ ကျဆင်းလျက် ရှိကြောင်း၊ ထိုသို့ပန်းဈေးနှုန်းများ ကျဆင်းခြင်းမှာ ဆောင်းဦးရာသီ၌ ပန်းမျိုးစုံ လှိုင်လှိုင်ထွက်ပေါ်ချိန်ဖြစ်သောကြောင့် ပန်းဈေးနှုန်းများကျဆင်းခြင်းဖြစ်ကြောင်း သိရှိရသည်။ ပန်းအရည်အသွေးလတ် ဆတ်မှုအပေါ်တွင် ဈေးနှုန်းများအနည်းငယ်ကွာခြားကြောင်း ဘုရားပန်းရောင်းချသူတစ်ဦး၏ ပြောပြချက်အရသိရှိရသည်။
DOCA(မန္တလေး)