စားသုံးသူရေးရာဦးစီးဌာန၊ တောင်ငူခရိုင်၊ တောင်ငူမြို့နယ်တာဝန်ခံ ဦးမြင့်သူ (စစ်ဆေးရေးမှူး)နှင့် ဒုတိယဦးစီးမှူး ဦးနေစိုးထက်တို့သည် နိုဝင်ဘာလ ၁၈ ရက်နေ့ နံနက်ပိုင်းက တောင်ငူမြို့ မြို့မဈေးအတွင်း ကုန်စုံဆိုင်များ၌ရောင်းချလျက်ရှိသော စည်သွတ်အစားအစာများ၌ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် ၂/၂၀၁၉ နှင့်အညီ မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိကို စောင့်ကြည့်စစ်ဆေးခဲ့ပါသည်။
ထို့အတူ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင်သည် နိုဝင်ဘာလ ၁၆ ရက်နေ့တွင် အုတ်တွင်းမြို့ စည်ပင်သာယာဈေး၌လည်းကောင်း၊ ဖြူးမြို့နယ်တာဝန်ခံ ဒေါ်သန္တာစိုးသည် နိုဝင်ဘာလ ၁၈ ရက်နေ့တွင် ဖြူးမြို့နယ်၊ ဇေယျဝတီမြို့ စည်ပင်သာယာဈေး၌လည်းကောင်း၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် နိုဝင်ဘာလ ၁၅ ရက်နေ့တွင် ရေတာရှည်မြို့နယ် ဆွာမြို့ စည်ပင်သာယာဈေး၌လည်းကောင်း စည်သွတ်အစားအစာများအား ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။
ယင်းသို့ ဈေးကွက်စောင့်ကြည့်စစ်ဆေးရာတွင် တွေ့ရှိရသော ငါးသေတ္တာဘူးများ၊ အမဲသားစည်သွတ်ဘူးများ၊ ကြက်သားစည်သွတ်ဘူးများ၊ ဆိတ်သားစည်သွတ်ဘူးများအားလုံး၌ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် ၂/၂၀၁၉ နှင့်အညီ မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြထားသည်ကို တွေ့ရှိရကြောင်း သိရှိရပါသည်။
DOCA(ပဲခူး)