၈.၁၂.၂၀၂၅ ရက်နေ့တွင် မွန်ပြည်နယ်၊ ကျိုက်ထိုခရိုင်၊ စားသုံးသူရေးရာဦးစီးဌာန၊ ကျိုက်ထိုခရိုင်တာဝန်ခံ ဦးအောင်ကျော်မင်းနှင့် မြို့နယ်တာဝန်ခံ ဦးဇော်ဦးတို့သည် ကျိုက်ထို မြို့နယ်၊ ဇေယျာမွန်ရပ်ကွက်ရှိ “Chit Chit Tone” မစ်ရှိတ်နှင့် အချိုရည်လုပ်ငန်းအား ကုန်အညွှန်းအမှတ်အသားရယူနိုင်ရေး ကွင်းဆင်းဆောင်ရွက်ခဲ့ကြောင်း သိရသည်။
ထိုသို့ စစ်ဆေးဆောင်ရွက်ရာတွင် အစားအသောက်များသန့်ရှင်းစေရေး၊ ဘေးအန္တရာယ် ကင်းရှင်းစေရေး၊ တားမြစ်ဓာတုဆေးဝါးများသုံးစွဲမှုမရှိစေရေး သတိပြုဆောင်ရွက်ရန် စားသုံးသူ ကာကွယ်ရေးဥပဒေ (၂၀၁၉) ပါပြဋ္ဌာန်းချက်များနှင့်အညီ ကုန်အညွှန်းအမှတ်အသားပြည့်စုံစွာ ဖော်ပြ၍ ဈေးကွက်အတွင်း ဖြန့်ဖြူးရောင်းချရန်လိုအပ်ကြောင်းနှင့် ကုန်အညွှန်းအမှတ်အသား ကိုက်ညီမှု ရှိ/မရှိ အတည်ပြုချက်ရယူဆောင်ရွက်ရန် လိုအပ်ပါကြောင်း ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။
DOCA (မွန်)