စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ် စစ်ဆေးရေးမှူး ဒေါ်ချိုမီဇင် သည် (၇.၁၂.၂၀၂၅)ရက်နေ့ (၀၈:၀၀)နာရီအချိန်တွင် မြို့ပေါ်ရှိ ကိုအောင်ဖုန်း (ဆေးဆိုင်)သို့ သွားရောက်၍ စားသုံးသူများဘေး အန္တရာယ်ကင်းရှင်းပြီး အိမ်သုံးကျန်းမာရေးဆေးဝါးများ၊ ထုတ်ကုန်လုံခြုံ စိတ်ချရမှုရှိစေရေး၊ ဘေးအန္တရာယ်ရှိသော ကုန်စည်များဈေးကွက်အတွင်းမှ ပပျောက်စေရေး၊ ဆေးဈေးနှုနး မှန်ကန်တည်ငြိမ်မှု ရှိစေရေး နှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ ကိုက်ညီမှု ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် ဒေါ်ချိုမီဇင် ဒုဦးစီးမှူးမှ ကိုအောင်ဖုန်း ဆေးဆိုင်ပိုင်ရှင်အား ရောင်းချသော ဈေးပစ္စည်းအမျိုးမျိုးတို့တွင် စားသုံးသူရေးရာဦးစီးဌာန၏ ထုတ်ပြန်ကြော်ငြာချက်ညွှန်ကြားချက်အမှတ်(၂/၂၀၁၉)အရ ကုန်စည်ပေါ်တွင် မြန်မာဘာသာ ဖြင့်ဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဘေးထွက်ဆိုးကျိုးနှင့် ကြိုတင်သတိ ပေးချက်တို့ ပြည့်စုံစွာဖော်ပြပါရှိခြင်းရှိ/မရှိကို စစ်ဆေးခြင်း၊ ထုတ်လုပ်ရက်စွဲသက်တမ်းကုန်ဆုံးရက်စွဲဖော်ပြပါဝင်ခြင်းရှိ/မရှိကို စစ်ဆေးခဲ့ပြီး ကိုအောင်ဖုန်းဆေးဆိုင်မှ ဆေးဝါးအမျိုးမျိုးသည် ကိုက်ညီသော ကုန်စည်များကိုရောင်းချနေကြောင်း စစ်ဆေးတွေ့ရှိရပြီး ဆေးဆိုင်လုပ်ငန်းရှင်အား ကုန်အညွှန်းအမှတ်အသားပြည့်စုံမှုမရှိသည့် ကုန်စည်များဈေးကွက်အတွင်း ရောင်းချခြင်း မပြုရန် ၊ ရောင်းချခြင်းများကို စစ်ဆေးတွေ့ရှိရပါက အရေးကြီး ကုန်စည်ဝန်ဆောင်မှု ဥပဒေများအရ အရေးယူသွားမည်ဖြစ်ကြောင်းကို အသိပညာပေး ဆွေးနွေးခဲ့ကြောင်း သိရှိရပါသည်။
DOCA (ဧရာဝတီ)