၂၀၂၅ ခုနှစ် ဒီဇင်ဘာလ (ဒုတိယပတ်)တွင် ရှမ်းပြည်နယ်(တောင်ပိုင်း)အောင်ပန်းဒေသ၌ ပြောင်းသီးနှံမှာ တစ်ပိဿာလျှင် (၁၂၃၀-၁၂၄၀)ကျပ်ဖြင့် ဈေးကျဆင်းနေသော်လည်း ပြည်ပသို့ အခွန်လွတ်တင်ပို့မှုကာလနီးကပ်လာမှုကြောင့် ဝယ်လက်များသဖြင့် စီးဆင်းမှုမှာ ယခင်အပတ်ထက် ပိုများလာပါသည်။
ကြက်သွန်ဖြူသီးနှံမှာ တစ်ပိဿာလျှင် ထူး ၁-၂၅၀၀ကျပ်၊ ထူး ၂-၃၅၀၀ကျပ်၊ ထူး ၃-၅၀၀၀ ကျပ်၊ ထူး ၄-၆၀၀၀ကျပ်၊ ထူး ၅-၇၀၀၀ကျပ်၊ ထူးလွန်-၈၅၀၀ကျပ် နှင့် ဥတစ်လုံးဆိုဒ်မှာ ၂၀၀၀၀ကျပ် ဖြင့် ဈေးငြိမ်နေပြီး ဈေးကွက်ဝယ်လိုအား လျော့ကျသဖြင့် စီးဆင်းမှုမှာ လျော့နည်းနေပါသည်။
အာလူးသီးနှံမှာ တစ်ပိဿာလျှင် မားကီး S2/S3 (၆၀၀၀-၆၅၀၀)ကျပ်၊ မျက်နီ S1/S2 (၅၅၀၀-၆၀၀၀)ကျပ်၊ OK-၅၀၀၀ကျပ်၊ A1-၃၅၀၀ကျပ်၊ ဆွဲသီး-၃၀၀၀ကျပ် နှင့် ဂေါ်လီဆိုဒ်မှာ ၂၅၀၀ကျပ်ဖြင့် ရန်ကုန်၊ မန္တလေး နှင့် ကျောက်ပန်းတောင်းဒေသများမှ ဝယ်လိုအားကောင်းနေသော်လည်း အရည်အသွေးလျော့ကျမှုကြောင့် ဈေးကျဆင်းသွား၍ စီးဆင်းမှုမှာ ယခင်အပတ်တိုင်း ပုံမှန်ဖြစ်နေပါ သည်။
ချင်းသီးနှံမှာ ဥသစ်အခက်တစ်ပိဿာလျှင် (၂၅၀၀-၃၀၀၀)ကျပ် ဖြင့် ဈေးကျဆင်းနေပြီး ပြည်တွင်းဈေးကွက်သုံးသာရှိသဖြင့် စီးဆင်းမှုမှာ နည်းနေပါသည်။
ကုန်စိမ်းသီးနှံများတွင် ဂေါ်ဖီ(၂၀၀၀-၂၅၀၀)ကျပ်၊ ပန်းမုံလာ (၂၅၀၀-၃၀၀၀)ကျပ်၊ ရွှေပဲ (၁၀၀၀၀-၁၃၀၀၀)ကျပ်၊ မုန်ညှင်း (၅၅၀၀-၆၀၀၀)ကျပ်၊ ဖရုံသီး (၁၅၀၀-၂၀၀၀)ကျပ်၊ ခရမ်းသီး (၂၅၀၀-၃၀၀၀)ကျပ်၊ ခရမ်းချဉ်သီး (၄၅၀၀-၅၅၀၀)ကျပ်၊ ငရုတ်ပွ (၁၅၀၀၀-၁၇၀၀၀)ကျပ်၊ မုန်လာဥနီ (၂၅၀၀-၃၀၀၀)ကျပ်၊ ဘိုစား (၈၀၀၀-၉၀၀၀)ကျပ်ဖြင့် အသီးသီးဈေးရှိနေကြပြီး ရွှေပဲ၊ မုန်ညှင်း၊ မုန်လာဥနီ နှင့် ဘိုစား သီးနှံများမှာ ယခင်အပတ်အောက် ဈေးအနည်းငယ်ကျဆင်းသွားပြီး ပန်းမုံလာ၊ ခရမ်းချဉ်သီးနှံနှင့်ငရုတ်ပွသီးနှံတို့မှာဈေးကွက်အဝင်နည်းသဖြင့်ဈေးတက်လာပါသည်။ ကျန်ကုန်စိမ်း သီးနှံများမှာ ဈေးနှုန်းထူးခြားစွာ ပြောင်းလဲမှုမရှိဘဲ ဒေသစုံမှ သီးနှံထွက်ရှိမှုရှိသဖြင့် စီးဆင်းမှုမှာ ယခင်အပတ်အောက် လျော့နည်းနေပါကြောင်း လေ့လာသိရှိရပါသည်။
DOCA(ရှမ်း)