တနင်္သာရီတိုင်း၊ မြိတ်ခရိုင်တွင် စီးပွားဖြစ် ကွမ်းသီး၊ ရာဘာများစိုက်ပျိုး၍ ပြည်တွင်းနှင့် ပြည်ပနိုင်ငံများသို့တင်ပို့ရောင်းချလျက်ရှိပြီး ဒေသထွက်နာနတ်သီးများသည်လည်း ပြည်တွင်းသာမ က ပြည်ပသို့ပါတင်ပို့နိုင်ကြောင်းသိရှိရပါသည်။ မြိတ်ခရိုင်တွင် နာနတ်သီးကို တနင်္သာရီမြို့နယ်တွင် အများဆုံးစိုက်ပျိုးပြီး မြို့ပေါ်များတွင်လည်း တစ်နိုင်တစ်ပိုင်စိုက်ပျိုးကြသလို စီးပွားဖြစ်စိုက်ပျိုးကြသူ များလည်းရှိပါသည်။ မြိတ်ဒေသထွက်နာနတ်သီးများကို ပြည်တွင်းတွင် အဓိကသုံးစွဲကြကြောင်း သိရှိရသည်။ စျေးနှင့်အခြားဒေသများသို့ တင်ပို့ရောင်းချကြပြီး ဒေသတွင်းစီးပွားဖြစ် တိုးချဲ့ထုတ် လုပ်နိုင်သော အသီးတစ်မျိုးဖြစ်သည်။ နာနတ်သီးအမျိုးအစားများအနက် Smooth Cayenne မျိုး ကိုအများ ဆုံးစိုက်ပျိုးကြပြီး မြန်မာနိုင်ငံနှင့် မြိတ်ခရိုင်တို့တွင်လည်း ၎င်းမျိုးကိုစိုက်ပျိုးကြသည်။
မြန်မာ့နာနတ်သီးသည် အခြားနိုင်ငံ၏ နာနတ်သီးများနှင့် မတူညီဘဲ အနံမွေးသည့်အပြင် အသီး၏ အရသာမှာလည်း ချိုချဉ်အရသာ နှင့် အရည်ရွှမ်းသောကြောင့် ပြည်တွင်း၌ သာမက ပြည်ပရှိ စားသုံးသူများစွာကို အလွယ်တကူ ဆွဲဆောင်နိုင်သော အသီးတစ်မျိုးဖြစ်သည်။ အချိုနိုင်ငံများတွင် Smooth Cayenne နာနတ်သီးကို အသင့်စားနာနတ်စည်အဖြစ် အဆင့်မြှင့်ထုတ်ပိုးပြီး ပြန်လည် ရောင်းချလျက်ရှိသည်။ မြိတ်ဒေသထွက် နာနတ်သီး တစ်လုံးလျှင် ၆၀၀၀ကျပ်မှ ၇၀၀၀ကျပ်ခန့် ထိရှိပြီး ဒေသတွင်းဝင်ရောက်လာသော နာနတ်သီးစည်တစ်လုံးလျှင် ၆၅၀၀၀ကျပ်ခန့်စျေးရှိကြောင်း သိရှိရပါသည်။
နာနတ်သီးသည် ပြည်တွင်းစားသုံးမှုသာမက ပြည်ပပို့ကုန်သီးနှံတစ်ခု ဖြစ်လာနိုင် ခြင်းကြောင့် စိုက်ပျိုးသူတောင်သူများအတွက် အကျိုးအမြတ်များစွာရရှိနိုင်မည်ဖြစ်ပြီး အဆင့်မြှင့်ထုတ်ကုန်များဖြင့်ပြည်ပစျေးကွက်သို့တင်ပို့ရောင်းချနိုင်သောထုတ်ကုန်ဖြစ်လာနိုင်မည်ဖြစ်သည်။
DOCA(တနင်္သာရီ)