စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်မြို့နယ် တာဝန်ခံရုံးအနေဖြင့် ၁၆-၁၂-၂၀၂၅ ရက် နံနက်(၀၉:၀၀)နာရီအချိန်တွင် မအူပင်မြို့နယ်ဦးစီးမှူး ဦးအောင်ဇော်ဦး သည် မြို့ပေါ်ရှိ မိဘမေတ္တာ စိုက်ပျိုးရေးသုံး မျိုးစေ့ နှင့် ဓါတ်မြေဩဇာ ရောင်းချသည့်ဆိုင်များသို့ အပတ်စဉ် ကွင်းဆင်းစစ်ဆေးခြင်း ဆောင်ရွက် လျက်ရှိကြောင်း သိရသည်။
ထိုသို့ကွင်းဆင်းစစ်ဆေးရာတွင် မအူပင်မြို့ပေါ်ရှိ စိုက်ပျိုးရေးမျိုးစေ့နှင့် ဆေးဆိုင်း ရောင်းချသည့် ဆိုင်များ၏ ကုန်ပစ္စည်း ဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်းအခြေ အနေအား လည်းကောင်း၊ မတ်ပဲနှင့်ပဲမျိုးစုံ စိုက်ပျိုးရေး ဆေးရောင်းချရာတွင် ၂နှစ် တားမြစ်ထားသော သာမီသောင်ဇင်နှင့် ဂလိုဒီယာနီဒင်းဆေးများ ရောင်းချမှု မရှိရန် အသိပညာပေးခြင်း၊ ပဲစိုက်ပျိုးကာလဖြစ်၍ ဈေးနှုန်းမြင့်တင်ရောင်းချခြင်း ရှိမရှိ၊ ကုန်အညွှန်းအမှတ်အသားများ ရောင်းချသော ကုန်စည်များတွင် ပြည်စုံစွာ ဖော်ပြပါဝင်ခြင်း ရှိမရှိ၊ စိုက်ပျိုးရေးဦးစီးဌာန၏ ခွင့်ပြုချက်လိုင်စင်များကို စစ်ဆေးခြင်း၊ တရားဝင်ကုန်စည်များရောင်းချရေးကို စစ်ဆေးခြင်းများဆောင်ရွက်ပြီး စီးပွားရေးလုပ်ငန်းရှင်၏ တာဝန်များ အကြောင်းကို အသိပညာပေး ပြောကြားခဲ့ကြောင်း ကုန်စည်များကို ရန်ကုန် ပင်ရင်းကုမ္ပဏီများမှ မှာယူပြီး မြို့နယ်အတွင်းဖြန့်ဖြူးရောင်းချကြောင်း ယခုအပါတ်ဈေးအနေဖြင့် ကြီးမြင့်မှုမရှိပဲ ဈေးနှုန်းတည်ငြိမ်လျက်ရှိကြောင်း သိရသည်။
DOCA(ဧရာဝတီ)