စားသုံးရေးရာဦးစီးဌာန မြန်အောင်ခရိုင် မြန်အောင်မြို့နယ်ဦးစီးမှူးနှင့် ဝန်ထမ်းများသည် (၁၅.၁၂.၂၀၂၅)ရက်နေ့ နေ့လည်(၁၄:၀၀)နာရီအချိန်တွင် မြန်အောင်မြို့ ကန်ဇွန်းခုံအုပ်စု၊ ရှမ်းကွင်း ကျေးရွာတွင် ဆီဝယ်ယူခွင့်စာအုပ်များဖြင့် စားသုံးသူပြည်သူများထံသို့ဆီရောင်းချပေးမှုအခြေအနေများ ၊သတ်မှတ်ရည်ညွှန်းဈေးထက် ဈေးနှုန်းမြှင့်တင်ရောင်းချမှု မရှိစေရေး၊ ဆီဖြန့်ဖြူး ရောင်းချရာတွင် အိမ်ထောင်စုများသို့ ကျယ်ကျယ်ပြန့်ပြန့် လွှမ်းခြုံမှု အားကောင်းစေရေး ၊သတ်မှတ်ကာလအတွင်း သတ်မှတ်ပမာဏကို သတ်မှတ်ဈေးနှုန်းများဖြင့် အရည်အတွက်၊ အရည်အသွေး၊ အလေးချိန် ပြည့်ဝ စွာဖြင့် ပြည်သူများသို့ ဖြန့်ဖြူးရောင်းချပေးစေလိုရေးတို့အား ဆွေးနွေးခဲ့ခြင်းနှင့် လုပ်ငန်းရှင်မှလည်း သိရှိလိုသည့်အချက်များအားပြန်လည်မေးမြန်းခြင်းများဆောင်ရွက်ခဲ့ကြောင်း၊ ဆက်လက်၍ မြို့နယ် ဦးစီးမှူး ဦးမြင့်အောင်မှ ဆီစာအုပ်ဖြင့် ဝယ်ယူနေသော အိမ်ထောင်စုများအားတစ်လအတွင်း ဆီရရှိမှုအကြိမ်အရေအတွက်နှင့် ဆီ(၅၀)ကျပ်သားလျှင် ဝယ်ယူရသည့်ဈေးများအား မေးမြန်းဆွေးနွေးခဲ့ကြောင်း သိရှိရပါသည်။
(DOCA ဧရာဝတီ)