မြင်းခြံမြို့နယ်တွင် ပဲမျိုးစုံစိုက်ပျိုးလျက်ရှိရာ ဆောင်းရာသီ၌ ပဲပုပ်သီးနှံကိုလည်း အားထားစိုက်ပျိုးထားကြောင်း၊ စိုက်ပျိုးချိန်မှာ အောက်တိုဘာလနှင့် နိုဝင်ဘာလတို့တွင် စတင်စိုက်ပျိုးပြီး ဒီဇင်ဘာလနှင့် ဇန်နဝါရီလတို့တွင် စတင်ရိတ်သိမ်းထွက်ပေါ်မည်ဖြစ်ကြောင်း၊ ယခုနှစ် ၂၀၂၅-၂၀၂၆ခုနှစ်တွင် ပဲပုပ်(ဆောင်း) စိုက်ပျိုးရန်လျာထားဧက (၆၃၀၀) ဧက အနက်၊စိုက်ပျိုးထားရှိမှု (၃၈၈၇) ဧက စိုက်ပျိုးထားကြောင်း၊ စီးမံကိန်းလျာထားချက် ပြည့်မီအောင် ဆက်လက်စိုက်ပျိုး သွားမည်ဖြစ်ကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများ အရ သိရှိရသည်။ ယခင်နှစ် ၂၀၂၄-၂၀၂၅ ခုနှစ်၌ ကာလတူစိုက်ပျိုးထားရှိမှုမှာ (၃၀၄၅)ဧက စိုက်ပျိုးထားရှိကြောင်း၊ ယခင်နှစ် ဖြင့်နှိုင်းယှဉ်ပါက ယခုနှစ်တွင် (၈၄၂)ဧကကျော် ပိုမိုစိုက်ပျိုးထား ကြောင်း၊ ယခင်နှစ် အထွက်နှုန်းအနေဖြင့် တစ်ဧကလျှင် (၁၂) တင်းခန့် ထွက်ရှိကြောင်း၊ သိရှိရသည်။ ယခုနှစ်တွင် စိုက်ပျိုးထားသောဆောင်းပဲပုပ်များ ရာသီဥတုကောင်းမွန်ပြီး ရေသွင်း ရေထုတ်၊ အပင်ပြုစုမှုနှင့် မြေဩဇာများပုံမှန်ကျွေးနိုင်ပါက အထွက်နှုန်း ကောင်းနိုင်မည်ဖြစ်ကြောင်း၊ ထွက်ပေါ်ချိန်တွင် ဈေးနှုန်းများကောင်းပါက တောင်သူများအနေဖြင့် အကျိုးအမြတ်များ ပိုမိုရရှိ နိုင်မည်ဖြစ်ကြောင်း ပဲပုပ်စိုက်တောင်သူတစ်ဦး၏ ပြောကြားချက်အရသိရသည်။
DOCA(မန္တလေး)