မအူပင်တွင် စိုက်ပျိုးနေသော ဖူးစားပြောင်းများ ရန်ကုန်သို့ တင်ပို့ 

     ဧရာဝတီတိုင်းဒေသကြီး မအူပင်ခရိုင် မအူပင်မြို့နယ်တွင် ဒေသထွက် ဖူးစား ပြောင်းများ ယခင်နှစ်ထက် စျေးကောင်းရရှိနေကြောင်း မအူပင်မြို့ရှိ ဖူးစား ပြောင်း ရောင်းချသူများထံမှ သိရသည်။ မအူပင်မြို့နယ်တွင် စိုက်ပျိုးသော ပြောင်းများမှာ ပြောင်းချို၊ ပြောင်းစီး၊ ဖူးစားပြောင်းတို့ကို စိုက်ပျိုးကြောင်း သိရသည်။

    မအူပင်မြို့နယ် လေးအိမ်စုကျေးရွာတါင် ပြောင်းဖူးများကို ၂၀၂၅ခုနှစ် စက်တင်ဘာလ ကတည်းက  စိုက်ပျိုးခဲ့ပြီး  ဖူးစားပြောင်းများ ယနေ့အထိ ထွက်ရှိနေပြီး  မအူပင် ဈေးကွက်အတွင်း အရောင်းအဝယ်ဖြစ်နေပြီး ရန်ကုန်သို့ လည်း တင်ပို့ရ ကြောင်း သိရသည်။  အဆိုပါဒေသထွက် ဖူးစားပြောင်းများသည် ပြီးခဲ့သည့် ၂၀၂၅ခုမှစ် နှစ် ပြောင်းဖူးပေါ်ချိန်က ဖူးစားပြောင်းတစ်ဖူးလျှင် လက်ကား ငွေ ၄၀၀ ကျပ် စျေးသာရှိခဲ့ပြီး ယခုနှစ် ပြောင်းဖူးပေါ်ချိန်တွင် ဖူးစားပြောင်းတစ်ဖူးလျှင် ငွေ ၆၀၀ ကျပ်ထိ စျေးကောင်းရရှိနေကြောင်း သိရသည်။ ဖူးစားပြောင်း စတင်ထွက်ရှိချိန် ၂၀၂၅ခုနှစ် နိုဝင်ဘာလက ၁ဖူးလျှင် လက်လီဈေး ငွေကျပ် ၁၀၀၀နှုန်းဖြင့် လက်ကားဈေးရောင်းချရပြီး ၂၀၂၆ခုနှစ် ဇန်နဝါရီ ပထမပတ်တွင် ဖူးစားပြောင်း လက်လီ ဈေး ၁ဖူးလျှင် ၄၀၀-၅၀၀ကျပ် နှုန်းဖြင့်သာ လက်ကား ဈေးဖြင့် ရောင်းချတင်ပို့နေပြီး ဈေးနှုန်း နှိုင်းယှဉ်ပါက ငွေကျပ် ၄၀၀ ကျဆင်းလာပြီး အရောင်းအဝယ် ဖြစ်နေကြောင်း သိရသည်။

    ဖူးစားပြောင်း စိုက်ပျိုးမှုအနေဖြင့် ပြောင်းဇူးစေ့ (၅၀)ဂရမ်း ၁ထုတ်လျှင် ၂၅၀၀၀ ကျပ်ဖြင့် ဝယ်ယူစိုက်ပျိုးရသည်။  ဖူးစားပြောင်းများ စိုက်ပျိုးရာတွင် အစိုဓာတ် ကောင်းစွာ ရရှိရန် လိုအပ်ပြီး နွေနှင့် ဆောင်းရာသီများ စိုက်ပျိုးလျှင် ရေသွင်း၍ ကြောင်း၊ ဖူးစားပြောင်းများကို စိုက်ပျိုးပြီး ၂ လအကြာတွင် ဖူးစပြုပြီး ၃ လအတွင်း ခုတ်၍ ရောင်းချနိုင်ကြောင်း သိရသည်။ ပြောင်းကို အတန်း လိုက် အစေ့ချ၍ စနစ်တကျ စိုက်ပျိုးပြီး ပြောင်းဖူး ပင်များမှာ ၁ ဧက အပင်ရေ ၁၀၀၀၀ ဝန်းကျင်ရှိပြီး တစ်ပင်ကို သုံးဖူး၊ လေးဖူးအထိ ထွက်ရှိကြောင်း ၊ ၁ဧကအထွက်နှုန်းအနေဖြင့် အဖူးရေ ၃၅၀၀၀ ခန့် ထွက်ရှိ ကြောင်း၊ ကုန်ကျစရိတ်အနေဖြင့် ၁ဧကလျှင် ငွေကျပ် သိန်း ၆၀ခန့် ကုန်ကုန်ကျ ကြောင်း၊ အကျိုးအမြတ်အနေဖြင့် ငွေကျပ် ၅ ၀၀၀ ၀၀၀/-ကျပ်ခန့် ကျန်ရှိကြောင်း ပြောင်း စိုက်ပျိုးသူ တောင်သူထံမှ သိရသည်။ အချို့ ပြောင်းစိုက်ပျိုးသူတောင်သူ များသည် လယ် အငှားစိုက်ပျိုးသူ များရှိပြီး ယခုနှစစ် အဆင်ပြေလျှက်ရှိကြောင်း ပြောင်းကို မိသားစု တစ်ပိုင်တစ်နိုင်စိုက်ပျိုးခြင်းနှင့် စီးပွားဖြစ်စိူက်ပျိုးသူ များရှိ၍ အဆင်ပြေလျက်ရှိကြောင်း သိရသည်။

 DOCA (ဧရာဝတီ)