ညောင်လေးပင်မြို့နယ်၊ ပြွန်တန်ဆာ ဘိုင်းဒါးနယ်မြေဒေသသည် စိုက်ပျိုးမြေကောင်းသည့် ဒေသဖြစ်သည့်အလျောက် ဖရဲ၊ ပြောင်း၊ ပန်းဂေါ်ဖီ၊ ဂေါ်ဖီ၊ ခရမ်းချဉ်သီး နှင့် ငရုတ် စသည့် မီးဖိုချောင်သုံးပစ္စည်းများ စိုက်ပျိုးဖြစ်ထွန်းအောင်မြင်သည့် ဒေသဖြစ်ပါသည်။
ယခုအခါ အဆိုပါဒေသတွင် ဖရဲစိုက်ခင်းများ ဖြစ်ထွန်းအောင်မြင်လျက်ရှိရာ စိုက်ပျိုးထွက်ရှိမှုအခြေအနေနှင့် အကျိုးအမြတ်ရရှိမှု အခြေအနေများအား စိုက်ခင်းများသို့ ကွင်းဆင်းလေ့လာ တွေ့ဆုံမေးမြန်းခဲ့ပါသည်။ ဖရဲ (၁)ဧက စိုက်ပျိုးထွက်ရှိရန် စိုက်ပျိုးစရိတ် ကျပ် သိန်း(၄၀) ခန့် ပျမ်းမျှ ကုန်ကျကြောင်း၊ (၁)ဧက ကုန်ကျစရိတ်များမှာ ဖရဲမျိုးစေ့ဖိုး (၃.၅ ) သိန်း၊ စိုက်ပျိုးမြေထွန်ယက်ခနှင့် စိုက်ဘောင်ဖေါ်ခ (၄) သိန်း၊ မြေဩဇာ ပိုးသတ်ဆေးဖိုး (၁၇) သိန်း၊ အလုပ်သမားခ (၁၀) သိန်းနှင့် အထွေထွေကုန်ကျစရိတ် (၅) သိန်းခန့် ကုန်ကျပါကြောင်း သိရှိရပါသည်။ (၁)ဧက ဖရဲ သီး (၁၀၀၀-၁၂၀၀) လုံးခန့်ပျမ်းမျှ ထွက်ရှိပြီး (၁)လုံး (၇၀၀၀)ကျပ်ခန့် ရောင်းရပါကြောင်းနှင့် နောက်ကျဖရဲသီးများမှာ ဈေးကောင်းရရှိမှု လျှော့နည်းပါကြောင်း၊ တရုတ်ဘက်သို့ တင်ပို့မှုအဆင်ပြေလျင် သိန်းရာချီမြတ်ပါကြောင်းနှင့် ပြည်တွင်းသုံး ရောင်းချလျင် (၁) ဧက ကျပ်သိန်း (၈၀ ) ခန့် ပျမ်းမျှ ရရှိ၍ ကျပ်သိန်း(၄၀)ခန့် အကျိုးအမြတ်ရရှိပါကြောင်း စုံစမ်းသိရှိရပါသည်။
DOCA(ပဲခူး)