စစ်ကိုင်းတိုင်းဒေသကြီးတွင် ၂၀၂၅-၂၀၂၆ ဘဏ္ဍာနှစ် ကြက်သွန်နီ (မိုး)စိုက်ဧကအနေဖြင့် (၂၃၃၂) ဧကစိုက်ပျိုးနိုင်ခဲ့ရာ ယခုအချိန်ထိ စိုက်ဧက၏ ၆၀ ရာခိုင်နှုန်း ရိတ်သိမ်းပြီးစီးပြီဖြစ်ကြောင်း သိရပြီး ကြက်သွန်နီ (ဆောင်း)စိုက်ဧကအနေဖြင့် (၃၁.၁၂.၂၀၂၅) ရက်နေ့ထိ (၃၇၇၈၄)ဧက စိုက်ပျိုး ပြီးစီးကြောင်း စိုက်ပျိုးရေးဦးစီးဌာနမှ သိရပါသည်။
ကြက်သွန်နီသီးနှံအား တိုင်းအတွင်းရှိ မြို့နယ်များဖြစ်သည့် မော်လိုက်၊ ဖောင်းပြင်၊ တမူး၊ တမူး(မြို့သစ်)၊ ခမ်းပတ်၊ ကလေး၊ ကလေးဝ၊ မင်းကင်း၊ ခန္တီး၊ ဟုမ္မလင်း၊ မိုင်းလွတ်၊ လေရှီး၊ လဟယ်၊ နန်းယွန်း၊ ဒိုဟိး၊ ပန်ဆောင်၊ မုံရွာ၊ ဘုတလင်၊ အရာတော်၊ ချောင်းဦး၊ ယင်းမာပင်၊ ကနီ၊ ဆားလင်းကြီး၊ ပုလဲ၊ ရွှေဘို၊ ခင်ဦး၊ ဝက်လက်၊ ကျောက်မြောင်း၊ ရေဦး၊ တန့်ဆည်၊ ဒီပဲယင်း၊ ကန့်ဘလူ၊ စစ်ကိုင်း၊ မြင်းမူ၊ မြောင်၊ ကသာ၊ ထီးချိုင့်၊ ကောလင်း၊ ဝန်းသို၊ ပင်လယ်ဘူး ဒေသများတွင် စိုက်ပျိုးကြပါသည်။
စစ်ကိုင်းတိုင်းဒေသကြီးထွက် ကြက်သွန်နီများအား ရန်ကုန်ရှိ ဘုရင့်နောင်ဈေးကွက်သို့ လည်းကောင်း၊ မန္တလေးမြို့မှ တဆင့် လားရှိုး၊ မူဆယ်ဈေးကွက်သို့လည်းကောင်း၊ မြဝတီ-မော်လမြိုင် ဈေးကွက်သို့လည်းကောင်း၊ မြစ်ကြီးနားမြို့ ဈေးကွက်သို့လည်းကောင်း နေ့စဉ် (၆)ဘီးယာဉ်၊ (၁၂)ဘီးယာဉ်များဖြင့် တင်ပို့လျက်ရှိကြောင်းသိရပြီး ကြက်သွန်နီ(မိုး)တစ်ပိဿာ ယနေ့ဈေးနှုန်း အနေဖြင့် အနိမ့်ဆုံး ၂၀၀၀/- မှ အမြင့်ဆုံး ၃၀၀၀/-ကျပ်အထိ အရောင်းအဝယ်ဖြစ်နေကြောင်း သိရသည်။
DOCA(စစ်ကိုင်း)