ဆန်တန်ချိန်သုံးသိန်း တင်သွင်းရောက်ရှိရမည့် နောက်ဆုံးနေ့ရက် ဖိလစ်ပိုင်သတ်မှတ်

    ဖိလစ်ပိုင်နိုင်ငံသို့ တင်သွင်းလာမည့် ဆန်တန်ချိန် ၃၀၀၀၀၀ ခန့်သည် ဖေဖော်ဝါရီလ ၂၈ ရက်နေ့ ထက်နောက်မကျဘဲ ဖိလစ်ပိုင်နိုင်ငံသို့ ရောက်ရှိရမည်ဖြစ်ကြောင်း သတ်မှတ်ရက်ထက် နောက်ကျသော ကုန်စည်ပို့ဆောင်မှုများကို မူရင်းတင်ပို့သည့်နိုင်ငံများသို့ ပြန်လည်စေလွှတ်သွား မည်ဖြစ် ကြောင်း ဖိလစ်ပိုင်စိုက်ပျိုးရေးဌာန (DA) က ပြောကြားခဲ့သည်။

     မတ်လနှင့် ဧပြီလများတွင် စပါးများ ရိတ်သိမ်းထွက်ရှိမည့်အချိန်နှင့် တိုက်ဆိုင်မှု မရှိစေရန် အတွက် တင်သွင်းလာသော ဆန်များသည် ဖေဖော်ဝါရီလကုန်တွင် သို့မဟုတ် ၎င်းထက်စော၍ ရောက်ရှိရန်လိုအပ်သည်ဟု အဆိုပါဌာနမှ လက်ထောက်အတွင်းဝန် Arnel de Mesa က ဇန်နဝါရီ ၂၂ ရက်နေ့တွင် သတင်းထောက်များကို ပြောဆိုခဲ့ခြင်းဖြစ်သည်။

    ယခုကဲ့သို့ လုပ်ဆောင်ရခြင်းမှာ ပြည်တွင်း စပါးထုတ်လုပ်မှု အမြင့်ဆုံးရောက်ရှိချိန်တွင် တင်သွင်း လာသော ဆန်များကြောင့် ပြည်တွင်းစပါးရိတ်သိမ်းမှုအပေါ် သိသိသာသာ ထိခိုက်မှု မရှိစေရန် ရည်ရွယ်၍ ဆောင်ရွက်ရခြင်းဖြစ်ကြောင်း၊ သတ်မှတ်ရက်ထက် နောက်ကျ၍ ရောက်ရှိ လာသော မည်သည့်ကုန်ပစ္စည်းကိုမဆို ထုတ်ပေးရန် ငြင်းပယ်သွားမည်ဖြစ်ပြီး တင်သွင်းသူ၏ ကုန်ကျစရိတ်ဖြင့်ပင် မူရင်းတင်ပို့သည့်နိုင်ငံသို့ ပြန်လည်ပို့ဆောင်စေမည်ဖြစ်ကြောင်း De Mesa က မှတ်ချက်ပြုပြောကြားခဲ့သည်။

    ယခုလုပ်ဆောင်ချက်သည် ပြီးခဲ့သည့် စက်တင်ဘာလက စတင်ခဲ့သော (၄) လကြာ ဆန်တင်သွင်းမှု ပိတ်ပင်ကန့်သတ်ချက်ကို ပြန်လည်ရုပ်သိမ်းလိုက်ပြီးနောက် ထွက်ပေါ်လာခြင်း ဖြစ်ပြီး နှစ်ဆန်းပိုင်းတွင် နိုင်ငံတကာ ဆန်ဈေးကွက်သို့ တရားဝင် ပြန်လည်ဝင်ရောက်လာခြင်း လည်း ဖြစ်သည်။

Source: Vietnam Plus, 26/01/2026 (လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)