မကွေးတိုင်းဒေသကြီး၊ ချောက်ခရိုင်၊ ချောက်မြို့၌ ဆန်၊ ဆီများကို သတ်မှတ်ညွှန်ကြားချက်များ နှင့်အညီ ရောင်းချမှုရှိ/မရှိ ကွင်းဆင်းစစ်ဆေးခြင်းများကို ဆောင်ရွက်လျက်ရှိရာ (၂၄.၁.၂၀၂၆)ရက်နေ့ နံနက် (၁၀:၀၀)အချိန်တွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးစိုးလွင် ဦးဆောင်၍ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးနှင့် ကုန်စျေးနှုန်းတည်ငြိမ်ရေးအဖွဲ့များ သည် ဆန်ဆိုင်များနှင့် ဆီဆိုင်များအား ကွင်းဆင်းကြီးကြပ်ခြင်းများ ဆောင်ရွက်ခဲ့ကြောင်း သိရသည်။
ထိုသို့ ဆောင်ရွက်ရာတွင် မြို့ပေါ်ရှိ ဆန်စပါးသိုလှောင်ရုံများ၊ ဆန်ဆိုင်များနှင့် ဆီဆိုင်များ၏ စျေးနှုန်းစျေးကွက်နှင့် စီးဝင်/ စီးထွက်စာရင်းများ၊ MyRO တွင် မှတ်ပုံတင်ထားသည့် ဆန်စပါး သို လှောင်ရုံများ၏ ကုန်ရ/ ကုန်ထုတ် လက်ကျန်စာရင်းများ ရေးသွင်းထားခြင်းရှိ/မရှိ၊ အပတ်စဉ် ရည်ညွှန်း စျေးအတိုင်း ရောင်းချမှုရှိ/မရှိနှင့် ကုန်စည်များပေါ်တွင် ကုန်စည်အမျိုးအစား ကိုလိုက်၍ ကုန်အညွှန်း အမှတ်အသားများ ပြည့်စုံမှန်ကန်စွာဖော်ပြခြင်း ရှိ/မရှိတို့ကို စစ်ဆေးခဲ့ပြီး Update စာရင်းရေးသွင်း နိုင်ရေး၊ ဆန်များနှင့်ဆီများအား အခြားအမျိုး အစားမတူများနှင့် ရောနှော၍ ရောင်းချခြင်းမရှိစေရေး၊ စျေးနှုန်းမြှင့်တင်ရောင်းချမှုမရှိစေရေး၊ အလေးချိန်မှန်ကန်မှုရှိစေရေး၊ သတ်မှတ်အရည် အသွေးပြည့် မီသော ကုန်စည်များကိုသာ ရောင်းချရေး၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရေးအသိပညာပေးဆွေးနွေးခဲ့ကြောင်း သိရှိရပါသည်။
DOCA(မကွေး)