၂၀၂၆ ခုနှစ်၊ ဇန်နဝါရီလမှစ၍ စားအုန်းဆီ ထုတ်လုပ်သောနိုင်ငံများတွင် ထုတ်လုပ်မှုလျော့ ကျခြင်း၊ တရုတ်နှစ်သစ်ကူး ပွဲတော်နှင့် ရမဿွာန် (Ramadan) ကာလများအတွက် ကြိုတင်ဝယ်ယူ စုဆောင်းမှုများလာခြင်းတို့ကြောင့် ကမ္ဘာ့နိုင်ငံများတွင် စားအုန်းဆီဈေးနှုန်း အနည်းငယ်မြင့်တက် လာခဲ့ပါသည်။
သတင်းအရင်းအမြစ်များနှင့် Reuters Software ပါ ဈေးကွက်သတင်းများအရ ၂၀၂၆ ခုနှစ်၊ ဇန်နဝါရီမှ မတ်လအတွင်း ကမ္ဘာ့စားအုန်းဆီ ထုတ်လုပ်မှု လျော့ကျသည့်ကာလဖြစ်ခြင်း၊ လက်ရှိ ကာလတွင် မလေးရှားရင်းဂစ်ငွေ တန်ဖိုး မြင့်တက်လာခြင်း၊ အင်ဒိုနီးရှားအစိုးရက စားအုန်းဆီ ပို့ကုန်ခွန် (Levy) ကို လက်ရှိ ၁၀% မှ ၂.၅% တိုးမြှင့်ပြီး ၂၀၂၆ ခုနှစ်၊ မတ်လ ၁ ရက်နေ့မှစ၍ ၁၂.၅% အထိကောက်ခံရန် အတည်ပြုထားပြီးဖြစ်ခြင်း၊ ကမ္ဘာ့စားအုန်းဆီ လက်ကျန်အချိုးသည် ၂၀၂၄-၂၀၂၅ ဘဏ္ဍာရေးနှစ်တွင် ၂၀% ရှိခဲ့ရာမှ ၂၀၂၅-၂၀၂၆ ဘဏ္ဍာရေးနှစ်တွင် ၁၉% သို့ ကျဆင်း လာခြင်း၊ မတ်လကုန်ပိုင်းတွင် ကျင်းပမည့် အီးဒ်ပွဲတော် (Eid al-Fitr) ကာလအတွက် ဝယ်လိုအား များခြင်းတို့ကြောင့် ၂၀၂၆ ခုနှစ်၊ ဇန်နဝါရီလတွင် စားအုန်းဆီ FOB တစ်တန် စျေးနှုန်း (ထုတ်လုပ် သည့် နိုင်ငံများ၏ ဈေးနှုန်း) သည် အမေရိကန်ဒေါ်လာ ၁,၀၄၇ ၊ ဖေဖော်ဝါရီလတွင် ၁,၀၇၈ သို့ မြင့်တက်လာခြင်းဖြစ်ကြောင်း သိရှိရပါသည်။