မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် ပဲမျိုးစုံအရောင်းအဝယ်ဖြစ်လျက်ရှိပြီး ယခုလတွင် ထောပတ်ပဲများ ဝင်ရောက်အရောင်းအဝယ်ဖြစ်လျက်ရှိပါသည်။ ထောပတ်ပဲကို ပခုက္ကူ ခရိုင်အတွင်းရှိ ကျွန်းများ၊ ဂန့်ဂေါခရိုင်အတွင်းရှိ မြို့နယ်များတွင် စိုက်ပျိုးထုတ်လုပ် လျက်ရှိသည်။ ပခုက္ကူခရိုင်တွင် ထောပတ်ပဲ စိုက်ပျိုးဧကမှာ (၂၃၀၀) ကျော်ရှိပြီး ရာသီဥတုနှင့် မြေအမျိုးအစား ပေါ်မူ တည်၍ တစ်ဧကထွက်နှုန်းမှာ တင်း(၂၀)မှ (၂၅)တင်းထိ ထွက်ရှိကြောင်း၊ တစ်ဧကလျှင် တစ်တင်း စိုက်ပျိုးရကြောင်း၊ ထောပတ်ပဲကို သီတင်းကျွတ်မှ စတင်စိုက်ပျိုးကြပြီး တပေါင်း၊ တန်ခူး တွင် အသီးများခူးဆွတ်ရကြောင်း၊ ထောပတ်ပဲကို စတင်စိုက်ပျိုးချိန်မှ စ၍ တစ်လခွဲ အကြာတွင် အပွင့်များစတင်ပွင့်ပြီး အပွင့်ပွင့်ချိန်တွင် အသီး အားတိုးဆေး ကောမတ် မြေဩဇာ ကျွေးရကြောင်း၊ တစ်ဧကလျှင် လု်ပသားခ၊ မျိုးအပါအဝင် ကျပ်(၄)သိန်းကျော် ကုန်ကျကြောင်း စိုက်တောင်သူ များထံမှ သိရှိရပါသည်။
ဈေးနှုန်းအနေဖြင့် ဖေဖော်ဝါရီလ (ဒုတိယပတ်)မှ စ၍ ကုန်စည်ဒိုင်သို့ စတင်အရောင်း အဝယ် ဖြစ်လျက်ရှိပြီး တစ်တင်းလျှင် ကျပ်(၇၀၀၀၀)၊ ဖေဖေါ်ဝါရီ(တတိယပတ်)တွင် ထောပတ်ပဲ အမျိုးအစားပေါ်မှုတည်၍ တစ်တင်းလျှင်ကျပ် (၇၄၀၀၀-၈၃၀၀၀)ဖြစ်၍ ဒုတိယပတ်နှင့် နှိုင်းယှဉ်ပါ က တစ်တင်းလျှင်ကျပ် (၁၀၀၀၀)ခန့် ဈေးတက်နေပြီး နေ့စဉ် ဝင်ရောက် အရောင်းအဝယ်ဖြစ်မှုမှာ အိတ်ရေ (၁၀၀ မှ ၅၀၀)ထိ ဝင်ရောက်အရောင်းအဝယ်ဖြစ်နေကြောင်း ကုန်စည်ဒိုင်မှ သိရှိရပါသည်။
DOCA(မကွေး)