စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးသည်(၂၁.၂.၂၀၂၆)ရက်နေ့ နေ့လယ် (၁၄:၃၀)နာရီအချိန်တွင် ဟင်္သာတမြို့ အုန်းကုန်းရပ်ကွက်၊ နတ်မော်လမ်းရှိ “ခေတ်သစ်”ငံပြာရည်ကြော်နှင့် ပဲကြွပ်ကြော်လုပ်ငန်းတွင် အသုံးပြုသော ကုန်ကြမ်းပစ္စည်းများ သန့်ရှင်းမှုရှိ/ မရှိ၊ ဈေးကွက်အတွင်း ရောင်းချသောကုန်စည်များတွင် ကုန်အညွှန်းအမှတ်အသားဖော်ပြထားမှုရှိ/ မရှိနှင့် ဈေးကွက်မရောက်မီ ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။
ထိုသို့စစ်ဆေးခဲ့ရာတွင် ပြည်သူများစားသုံးရန် ထုတ်လုပ်လျက်ရှိသော ကုန်စည်များတွင် ဘေးအန္တရာယ်ကင်းရှင်းမှုရှိ/ မရှိ၊ စားသုံးရန် သို့မဟုတ် အသုံးပြုရန် သင့်/ မသင့် သက်ဆိုင်ရာဌာန၏ ထောက်ခံချက်များရှိ/ မရှိ စစ်ဆေးခဲ့ပါသည်။ ဆက်လက်၍ စားသုံးသူကပေးအပ်သည့် တန်ဖိုးနှင့်အညီ မျှတသောအရည်အသွေး၊ ကုန်အညွှန်းအမှတ်အသားဆိုင်ရာ အချက်များနှင့်ကိုက်ညီမှု ရှိ/ မရှိ စစ်ဆေးခဲ့ပြီး၊ စားသုံးသူအား စိတ်ကျေနပ်မှုရှိစေခြင်း၊ ဘေးအန္တရာယ်ကင်းရှင်းစွာ အသုံးပြုနိုင်ရေးတို့ကို အလေးထားဆောင်ရွက်စေလိုကြောင်း၊ ဈေးကွက်တွင်ဝယ်လိုအားများခြင်းနှင့် လက်ခံသုံးစွဲနိုင်သော အရည်အသွေးရှိ/ မရှိ စစ်ဆေးဆောင်ရွက်ခဲ့ပါသည်။ လုပ်ငန်းရှင်များအနေဖြင့် ပြည်သူများ စားသုံးရာတွင် ကျန်းမာရေးနှင့် သင့်တင့်ညီညွတ်မျှတအောင်၊ စားသုံးသူများအသုံးပြုရန် သင့်တော်သော ကုန်စည်များကိုသာရောင်းချရန်နှင့် သင့်တင့်မျှတသောဈေးနှုန်းဖြင့်သာ ရောင်းချနိုင်ရေး ရှင်းလင်းပြောကြားကာ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA (ဧရာဝတီ)