စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိရာ ၁၃.၃.၂၀၂၆ ရက် နံနက် ၁၁:၀၀နာရီအချိန်တွင် စားသုံသူရေးရာ ဦးစီးဌာနနှင့် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ ၂၀၂၆ ခုနှစ်၊ မတ်လ ၁၅ ရက်နေ့တွင်ကျရောက်မည့် ကမ္ဘာ့စားသုံးသူအခွင့်အရေးများနေ့အထိမ်းအမှတ် အသိပညာပေး Talk Show ဆောင်ရွက်ခဲ့ကြောင်း သိရသည်။
အဆိုပါ အသိပညာပေး Talk Show တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကမ္ဘာ့စားသုံးသူအခွင့်အရေးများနေ့ ပေါ်ပေါက်လာပုံအကြောင်း၊ မြန်မာနိုင်ငံတွင် စားသုံးသူရေးရာ ဦးစီးဌာန(DOCA)ကဦးဆောင်၍ နှစ်စဉ် မတ်လ ၁၅ ရက်နေ့ရောက်တိုင်း ကမ္ဘာ့စားသုံးသူအခွင့် အရေးများနေ့ အထိမ်းအမှတ်အခမ်းအနားများ၊ ဟောပြောပွဲများနှင့် အသိပညာပေးလက်ကမ်းစာ စောင်များ ဖြန့်ဝေခြင်းတို့ကို နေပြည်တော်နှင့် တိုင်းဒေသကြီး/ပြည်နယ်အသီးသီးတို့တွင် ကျင်းပ ဆောင်ရွက်လျက်ရှိပါကြောင်း၊ ယခုနှစ်၏ ဆောင်ပုဒ်ဖြစ်သည့် “ထုတ်ကုန်ဘေးကင်းလုံခြုံမှ ယုံကြည်စိတ်ချစားသုံးသူဘဝ” ဆိုသည့်အတိုင်း ထုတ်ကုန်ဘေးကင်းလုံခြုံမှု၏အရေးပါပုံနှင့် ဘေးကင်းလုံခြုံမှုမရှိခြင်း၏ ဆိုးကျိုးများနှင့် စားသုံးသူများ၏ အခွင့်အရေးများအကြောင်း အသိပညာပေးဆွေးနွေးခဲ့ကြောင်း သိရသည်။
DOCA(စစ်ကိုင်း)