စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည် ငြိမ်ရေးလုပ်ငန်းများနှင့် ပြည်တွင်းကုန်သွယ်ရေး ဖွံ့ဖြိုးမှုလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူးဒေါ်ဇင်မာထွေးတို့သည် ၂.၃.၂၀၂၆ ရက်နေ့တွင် ကျောက်တံခါးမြို့နယ်ဆန်စက်အသင်း အတွင်းရေးမှူးနှင့် အတူ ဆန်ဈေးနှုန်းဈေးကွက်များ တည်ငြိမ်စေရေးအတွက် ဆန်စက်များတွင် ဗီနိုင်းချိတ်ဆွဲ၍ ရောင်းချနေမှုများအား ကွင်းဆင်း ကြည့်ရှုခဲ့ကြောင်း သတင်းရရှိပါသည်။
ယခုကာလတွင် ရွှေဘိုပေါ်ဆန်းမွှေးဆန်များ ဈေးနှုန်းကြီးမြင့်နေသည့်အတွက် အများ ပြည်သူများ ဝယ်ယူစားသုံးရာတွင် အခက်အခဲများ ဖြစ်ပေါ်လျက်ရှိပါသည်။ သို့ဖြစ်ပါ၍ အခြား ဆန်ဈေးနှုန်းများပါ မြင့်တက်ခြင်း မရှိစေရန်အတွက် ကျောက်တံခါးမြို့နယ်တာဝန်ခံရုံးမှ ဦးစီးမှူး ဒေါ်တင်တင်စန်း၊ ဒုဦးစီးမှူး ဒေါ်ဇင်မာထွေးနှင့် ကျောက်တံခါးမြို့နယ်ဆန်စက်အသင်း အတွင်းရေး မှူး ဒေါက်တာရာဇာအေးမင်းထွန်းတို့သည် ကျောက်တံခါးမြို့ပေါ်ရှိ ဆန်စက်များတွင် ဒေသထွက် ဆန်တစ်အိတ်လျှင် (၅၅၀၀၀)ကျပ်၊ ဒေသထွက်ဆန်တစ်ပြည်လျှင် (၂၃၀၀) ကျပ်များဖြင့် ရောင်းချ ခြင်းရှိ/ မရှိ ကွင်းဆင်း စစ်ဆေးခဲ့ရာ ဆန်စက်လုပ်ငန်းရှင် ဒေါက်တာရာဇာအေးမင်းထွန်း၏ “ ဘုန်း မြင့်မြတ် ” ဆန်စက်တွင် ပြည်သူများအား လွယ်ကူစွာဝယ်ယူနိုင်ရေး ရောင်းချပေးလျက်ရှိကြောင်း သတင်းရရှိပါသည်။
DOCA( ပဲခူး)