ဧရာဝတီတိုင်းဒေသကြီး၊ မအူပင်ခရိုင်အတွင်း၌ နနွင်းများကို စိုက်ပျိုးသူအနည်းငယ်ရှိပြီး နနွင်းစိုက်ပျိုးသူထံမှ နနွင်းတက်များကို ဝယ်ယူ၍ ကြိတ်ခွဲကာ မအူပင်ဈေးကွက်အတွင်းရောင်းချနေကြောင်း သိရသည်။ နနွင်းတက်များကို ၂၀၂၆ခုနှစ် ဖေဖော်ဝါရီလ စတင်၍ တူးဖော်လျက်ရှိရာ မတ်လတွင် နနွင်းမှုန်အနေဖြင့် ကြိတ်ခွဲထုတ်လုပ်ရောင်းချကြောင်း၊ နနွင်းများ စတင်တူးဖော်ချိန်တွင် စျေးနှုန်းများကောင်းမွန်လျက်ရှိပြီး တောဝယ်နနွင်းအစို ၁ပိဿာလျှင် ၁၀၀၀ ကျပ်ဖြင့် အရောင်းအဝယ်ဖြစ်ခဲ့ရာ မတ်လတွင် နနွင်းတက် ၁ပိဿာလျှင် ၁၂၀၀ကျပ် ဖြင့် ဈေးအနည်းငယ်တက်လာကြောင်း နနွင်းမှုန်ကြိတ်ခွဲခြင်းတွင် နနွင်းနုကြိတ်ခွဲမှုနှင့် နနွင်းခေါင်းကြမ်း ကြိတ်ခွဲ၍ ၂မျိုး ရောင်းချကြောင်းသိရသည်။ နနွင်းနုမှုန် ၁ပိဿာလျှင် ၃၀၀၀၀ကျပ်ဖြင့်လည်းကောင်း၊ နနွင်းခေါင်းကြမ်းမှုန့် ၁ပိဿာလျှင် ၂၀၀၀၀ ကျပ်ဖြင့် ဈေးကွက်အတွင်း လက်လီရောင်းချလျက်ရှိပြီး လက်ကားဈေးအနေဖြင့် နနွင်းနုမှုန် ၁ပိဿာ ၂၅၀၀၀ကျပ်၊ နနွင်းခေါင်းကြမ်းမှုန့် ၁ပိဿာလျှင် ၁၅၀၀၀ကျပ်ဖြင့် လက်ကားရောင်းချပေးလျက်ရှိကြောင်း နနွင်းရောင်းချသူထံမှ သိရသည်။ ယခင်နှစ်ဈေးနှင့် နှိုင်းယှည်ပါက ဈေး ၁ပိဿာ ၃၀၀၀ကျပ် မြင့်တက်လာကြောင်း’သိရသည်။ ဈေးကွက်အနေဖြင့် နနွင်းများကို ဝယ်ယူသိုလှောင်သူများ ရှိသလို ဈေးကောင်းချိန်မှ ထုတ်ရောင်းသူများလည်းရှိသည်။ နနွင်းစစ်စစ်ကို ပရဆေးဆိုင်များမှလည်းဝယ်ယူ၍ ကြိတ်ခွဲရောင်းချကြသည်။ တောသည်များမှလည်း ကိုယ်တိုင်းမအူပင်မြို့ ဈေးများအတွင်းရောင်းချလျက်ရှိကြောင်း သိရှိရပါသည်။
DOCA(ဧရာဝတီ)