“ဇေယျာတိုး” ဆန်စက်သို့ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်‌‌ဆေး

          ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်းတို့သည် ၂၀၂၆ ခုနှစ်၊ မတ်လ(၂၀) ရက်နေ့၊ နံနက် (၁၀:၀၀) နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ မီးသတ်ဦးစီးဌာန၊ ရဲတပ်ဖွဲ့တို့နှင့် ပူးပေါင်း၍ (၉) ရပ်ကွက်ရှိ “ဇေယျာတိုး” ဆန်စက်သို့  ကွင်းဆင်းစစ်ဆေးခဲ့ကြောင်း သိရသည်။

          အဆိုပါ ကွင်းဆင်းစစ်ဆေးရာတွင် “ဇေယျာတိုး” ဆန်စက်အနေဖြင့်  ကြိတ်ခွဲထုတ်လုပ်မှုအခြေအနေ၊ အလေးချိန် အချိန်အတွယ် ပြည့်ဝစွာဖြင့် ထုပ်ပိုးမှုအခြေအနေ၊ တံဆိပ်ရိုက်နှိပ်ထားရှိမှုအခြေအနေ၊ ဈေးကွက်အတွင်းတင်ပို့ရောင်းချသည့် ဈေးနှုန်းဈေးကွက်အခြေအနေ၊ ဆန်စက်လည်ပတ်ရာမှ ထွက်ရှိလာသော အညစ်အကြေးများကို စနစ်တကျစွန့်ပစ်ထားရှိမှု အခြေအနေတို့ကို ထုတ်ကုန်ထုတ်လုပ်ရာတွင် စားသုံးသူဘေးအန္တရာယ်ကင်းရှင်းစေရေးအတွက် ဌာနဆိုင်ရာ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)