မိတ္ထီလာ ဈေးကွက်အတွင်း ယခုမတ်လဒုတိယအပတ်တွင် အပါချီဘိလပ်မြေ တစ်အိတ် လျှင် (၁၈၅၀၀)ကျပ်၊ ကြံ့နှစ်ကောင်ဘိလပ်မြေတစ်အိတ်လျှင်(၁၈၅၀၀)ကျပ်၊ Alpha ဘိလပ်မြေ တစ်အိတ် လျှင်(၁၇၈၀၀)ကျပ်ဖြင့် အရောင်းအဝယ်ဖြစ်လျက်ရှိပြီးယခင်လနှင့် ကာလတူ နှိုင်းယှဉ်လျှင် အပါချီတစ်အိတ်လျှင် (၁၇၀၀)ကျပ်၊ ကြံ့နှစ်ကောင်တစ်အိတ်လျှင်(၁၇၀၀)ကျပ်၊ alpha တစ်အိတ်လျှင် (၁၀၀၀)ကျပ်ဈေးနှုန်းမြင့်တက်လာကြောင်း အိမ်ဆောက်ပစ္စည်းအရောင်းဆိုင်များမှ သိရသည်။ ယခုအခါ ပွင့်လင်းရာသီ ဆောက်လုပ်ရေးလုပ်ငန်းများ တွင်ကျယ်လာပြီ ဖြစ်၍ ဈေးကွက်တွင် အရောင်းအဝယ်မှာ ယခင်ထက်သွက်လာကြောင်း သိရသည်။ မိတ္ထီလာမြို့ သို့ သာစည်မြို့နယ်၊ ပြည်ညောင်ကျေးရွာမှ အပါချီဘိလပ်မြေ၊ ကျောက်ဆည်မြို့မှ ကြံ့နှစ်ကောင်နှင့် Alpha ဘိလပ်မြေများ ဝင်ရောက်ပြီး မိတ္ထီလာ၊ သာစည်၊ ဝမ်းတွင်းနှင့် မလှိုင်မြို့နယ်များမှ ဝယ်လက် များသို့ ရောင်းချရ ကြောင်း ဈေးကွက်မှ သိရသည်။
DOCA(မန္တလေး)