အိန္ဒိယနိုင်ငံတွင် ၂၀၂၆ ခုနှစ် မိုးရာသီကာလတွင် ဝါစိုက်ဧကပမာဏသည် ယခင်ထက် ၅ ပုံ ၁ ပုံ ထိ တိုးလာနိုင်ဖွယ်ရှိကြောင်း၊ အကြောင်းရင်းမှာ ပြည်တွင်းဈေးနှုန်းများ ပြန်လည်မြင့်တက် လာခြင်း၊ ဝါသီးနှံအား ကမ္ဘာလုံးဆိုင်ရာ ဝယ်လိုအားတိုးလာခြင်းနှင့် အယ်နီညိုရာသီဥတု အခြေ အနေ ဖြစ်ပေါ်လာနိုင်မှုကြောင့် မိုးရာသီတွင် မိုးရေလုံလောက်မှုမရှိခြင်းတို့ ဖြစ်လာနိုင်ကြောင်း သက်ဆိုင်သူများ၏ ပြောကြားချက်အရ သိရှိရသည်။
၎င်းအပြင် အမေရိကန်ပြည်ထောင်စုနှင့် သြစတြေးလျနိုင်ငံတို့ကဲ့သို့ အဓိကထုတ်လုပ်သူ နိုင်ငံများတွင် စိုက်ပျိုးမှု ကုန်ကျစရိတ် မြင့်တက်လာခြင်းနှင့် အကျိုးအမြတ်ရရှိမှု နည်းပါးနိုင်မှုတို့ ကြောင့် စိုက်ပျိုးဧရိယာ လျော့နည်းလာနိုင်ဖွယ်ရှိကြောင်း သိရှိရသည်။
ပန်ဂျပ်ပြည်နယ်၊ ဟာရ်ယာနာပြည်နယ်နှင့် ရာဇတ်စတန်ပြည်နယ်များကဲ့သို့ အိန္ဒိယနိုင်ငံ မြောက်ပိုင်းဒေသတွင် ဝါးမျိုးစေ့များ ဖြန့်ချိခြင်းကို စတင်ဆောင်ရွက်ခဲ့ပြီး လာမည့် ရက်သတ္တပတ် အနည်းငယ်အတွင်း စိုက်ပျိုးခြင်း စတင်ရန် မျှော်လင့်ထားသည်။ လာမည့်နှစ်တွင် ဝါစိုက်ပျိုးမှု သည် ၂၀ ရာခိုင်နှုန်းအထိ တိုးလာနိုင်ကြောင်း အိန္ဒိယနိုင်ငံဝါအသင်း (CAI) ၏ ယခင်ဥက္ကဋ္ဌဖြစ်သူ Atul S Ganatra က ပြောကြားခဲ့ကြောင်း သိရှိရသည်။
Source: The Hindu Business Line, 30 March 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)