မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် လူထုအခြေပြုဗဟိုဌာနခန်းမ ( Community Center )၌ ( ၇.၁၂.၂၀၂၂ )ရက်နေ့ နံနက် ( ၁၀း၀၀ )နာရီအချိန်တွင် စားသုံးသူကာကွယ်ရေးဆိုင်ရာအသိပညာပေးဆွေးနွေးပွဲ Talk Show အစီအစဉ်ကို ကျင်းပပြုလုပ်ခဲ့ပါသည်။
ဆွေးနွေးပွဲတွင် မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးမှူး ဒေါ်သင်းသင်းက Talk Show အစီအစဉ်ကျင်းပပြုလုပ်ရသည့် ရည်ရွယ်ချက်ကိုရှင်းလင်းပြီး စားသုံးသူရေးရာဦးစီးဌာန မြို့နယ်တာဝန်ခံ ဦးသက်ချိုဦး( ဒု-ကြီးကြပ်ရေးမှူး )က စားသုံးသူရေးရာဦးစီးဌာန၏ မျော်မှန်းချက်ဖြစ်သည့် စားသုံးသူအခွင့်ရေးဦးစားပေးနှင့် ရည်မှန်းချက်တာဝန် ( ၃ ) ရပ်၊ ကုန်စည်( သို့ )ဝန်ဆောင်မှုများနှင့်စပ်လျဉ်း၍ စားသုံးသူများ၏အခွင့်အရေးနှင့် အကျိုးစီးပွားတို့ကို ကာကွယ်ပေးခြင်းနှင့် စားသုံးသူနှင့် လုပ်ငန်းရှင်တို့အကြား မျှတမှုရှိအောင် ဆောင်ရွက်နေသည့်လုပ်ငန်းစဉ်များ၊ စားသုံးသူတို့၏အခွင့်အရေး ( ၈ )ချက်နှင့် လိုက်နာဆောင်ရွက်မည့်တာဝန် ( ၄ )ရပ် ၊ စီးပွားရေးလုပ်ငန်းရှင်များ လိုက်နာရမည့်တာဝန် ( ၁၁ )ချက် ၊ စားသုံးသူဘေးအန္တရာယ်ကင်းရှင်းရန်အတွက် မိတ်ဖက်ဌာနများနှင့်ပူးပေါင်း၍ စျေးအတွင်း အစားအသောက်၊ ဆေးဝါး၊ အလှကုန်၊ လူသုံးကုန်များ၌ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားသတ်မှတ်ချက်များနှင့် ပြည့်စုံမှုရှိ/မရှိ စျေးကွက်စောင့်ကြည့်စစ်ဆးမှုများပြုလုပ်လျက်ရှိကြောင်းနှင့် ကုန်ပစ္စည်းများကိုဝယ်ယူရာတွင် သေချာကြည့်ရှုဝယ်ယူကြရန် အသိပေးရှင်းလင်းပြောကြားခဲ့ပါသည်။
စားသုံးသူပြည်သူများအနေဖြင့် နစ်နာဆုံးရှုံးမှု တစ်စုံတစ်ရာရှိပါက စားသုံးသူရေးရာဦးစီးဌာန၊ စားသုံးသူ သတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ ( CICC )ရုံးခန်း၊ စားသုံးသူရေးရာဦးစီးဌာန၊ ပေါက်ချောင်းရပ်၊ မိတ္ထီလာမြို့ 064 2223102 ၊ 064 2223093 သို့လည်းကောင်း၊ ကိုယ်တိုင်ဖြစ်စေ( သို့ ) DOCA Myanmar Application နှင့် www.doca.gov.mm တွင်ဖြစ်စေ တိုင်ကြားနိုင်ကြောင်း အသိပေးပြောကြားခဲ့ကြောင်း သိရှိရပါသည်။
DOCA(မန္တလေး)