ဒေးဒရဲမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ဘုရားက လေးကျေးကွင်းကျေးရွာရှိ “ထွန်းရတနာလင်း” ဆန်စက်သို့ ၂၀၂၆ခုနှစ်၊ဧပြီလ (၂၀) ရက်နေ့၊ နံနက်(၁၀:၀၀) နာရီအချိန်တွင် ထုတ်ကုန်လုံခြုံစိတ်ချရမှုရှိစေရေးနှင့် MSMEs ဖွံ့ဖြိုးတိုးတက်ရေး အတွက်ကွင်းဆင်းစိစစ်ခဲ့ကြပါသည်။
မြို့နယ်တာဝန်ခံက ထုတ်ကုန်လုံခြုံစိတ်ချရမှုနှင့် ပက်သက်၍ ဆန်ထုတ်လုပ်ရာတွင် အရည်အသွေးပြည့်မီစေရေး၊ ထုတ်လုပ်သော ကုန်စည်ပေါ်တွင် တံဆိပ်ရိုက်နှိပ်ထားရှိမှု၊ ထုပ်ပိုးမှု နည်းစနစ် များ၊ MSMEs ဖွံ့ဖြိုးတိုးတက်ရေးအတွက် ခေတ်မီစက်ကိရိယာများ တပ်ဆင်ထားရှိမှု အခြေအနေနှင့် ဆန်စက်ကြိတ်ခွဲထုတ်လုပ်ရာမှ ထွက်ရှိလာသော စွန့်ပစ်ပစ္စည်းများ စနစ်တကျစွန့်ပစ်ထားရှိမှု အခြေအနေ၊ ဆန်စပါး ဈေးကွက်အတွင်း ဈေးနှုန်းအခြေအနေများ၊ ဆန်စက်ရှိ မြေပြင်လက်ကျန်စာရင်းများကို အခြေခံ၍ မြေပြင်သိုလှောင်ထားရှိမှု အခြေအနေများနှင့် ဆန်စက်လုပ်ငန်းရှင်များကို ပူးပေါင်းဆောင်ရွက်ကြရန်၊ လစဉ်မြေပြင် သိုလှောင်မှုအခြေအနေမှန် စာရင်းများကို ဖြည့်သွင်းဆောင်ရွက်ကြရန် ဆွေးနွေးမှာကြား ကွင်းဆင်းစိစစ်ခဲ့ကြောင်း သတင်းရရှိပါသည်။
DOCA(ဧရာဝတီ)