ဖိလစ်ပိုင်နိုင်ငံတွင် ၂၀၂၆ ခုနှစ် ပထမသုံးလပတ်အတွင်း မော်တော်ကားအရောင်း ကျဆင်းနေသော်လည်း၊ ကမ္ဘာလုံးဆိုင်ရာ ရေနံအကျပ်အတည်းများကြားတွင် လျှပ်စစ်ကား (EV) ကဏ္ဍမှာ သိသိသာသာ တိုးတက်လာသည့် တစ်ခုတည်းသော အချက်အချာဖြစ်လာကြောင်း ဧပြီလ ၂၀ ရက်နေ့တွင် ထုတ်ပြန်သည့် စက်မှုအချက်အလက်များအရ သိရသည်။
ဖိလစ်ပိုင် မော်တော်ကားထုတ်လုပ်သူများအသင်း (CAMPI) နှင့် ထရပ်ကားထုတ်လုပ်သူများ အသင်းတို့က ဧပြီလ ၂၀ ရက်နေ့တွင် ထုတ်ပြန်သော ကိန်းဂဏန်းများအရ ပထမ သုံးလပတ်အတွင်း စုစုပေါင်း မော်တော်ကားရောင်းအားမှာ ၁၀၅,၆၄၂ စီး ရှိခဲ့ပြီး၊ ယခင်နှစ် အလားတူကာလရှိ ၁၁၇,၀၇၄ စီးနှင့် နှိုင်းယှဉ်ပါက လျော့နည်းသွားခြင်းဖြစ်သည်။
လျှပ်စစ်ကား (EV) ရောင်းအားမှာမူ ပထမသုံးလပတ်တွင် ၁၁,၈၀၀ စီးအထိ ရှိလာပြီး ယခင်နှစ် ၈,၆၆၄ စီးထက် ၃၆.၂ ရာခိုင်နှုန်း မြင့်တက်လာခဲ့သည်။ အားသွင်းစနစ်သုံး ဟိုက်ဘရစ် လျှပ်စစ်ကား (Plug-in hybrid EVs) များမှာ အရောင်းရဆုံး အမျိုးအစားဖြစ်ခဲ့ပြီး၊ အစီးရေ ၁,၂၅၀ အထိ ၉၂၄.၆ ရာခိုင်နှုန်း ခုန်တက်ကာ ရောင်းချခဲ့ရကြောင်း သိရသည်။
CAMPI ဥက္ကဋ္ဌ Jose Maria Atienza က အထူးသဖြင့် လောင်စာဆီဈေးနှုန်း မြင့်မားလာခြင်းကြောင့် လျှပ်စစ်စွမ်းအင်သုံး သယ်ယူပို့ဆောင်ရေးစနစ်များကို ပိုမိုဝယ်လိုအား မြင့်တက်လာနေသဖြင့် EV ကားများသည် ဈေးကွက်အတွင်း ဝေစုပိုမိုရရှိလာရန် မျှော်လင့်ရကြောင်း ပြောကြားခဲ့သည်ဟု သိရှိရပါသည်။
Source : Xinhua
DOCA (ရန်ကုန်)