စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့ ဘုရားကြီးဈေးရှိ သစ်သီးဈေးကွက်တွင် လိမ္မော်သီး၊ ပန်းသီး၊ ဖရဲသီး၊ သခွားမွှေးသီးများရောင်းချလျက်ရှိပြီး ဒေသထွက် စိန်တလုံးသရက်သီးများ စတင်ရောင်းချလျက်ရှိကြောင်း သိရသည်။
၂၀၂၆ ခုနှစ်၊ ဧပြီလ နောက်ဆုံးပတ်အတွင်း ကန့်ဘလူမြို့၊ ဘုရားကြီးဈေးရှိ သစ်သီးဈေးကွက်တွင် စိန်တလုံးသရက်သီးအိတ်စွတ်(၁)လုံးလျှင် ကျပ် ၇၀၀၊ (၃)လုံးလျှင် ကျပ် ၂၀၀၀နှင့် အိတ်လွတ်(၁)လုံးလျှင် ကျပ် ၅၀၀ ဈေးနှုန်းဖြင့်လည်းကောင်း ရောင်းချလျက်ရှိကြောင်း တွေ့ရသည်။ စိန်တလုံးသရက်သီးသည် အရသာချိုမြိန်၍ စားသုံးသူများအကြား လူကြိုက်များသော သရက်မျိုးဖြစ်ကြောင်း၊ ရာသီပေါ်စဖြစ်သည့်အတွက် စိန်တလုံးသရက်သီးများအား လူကြိုက်များကာ အရောင်းအဝယ်သွက်လျက်ရှိကြောင်း သိရှိရပါသည်။
DOCA(စစ်ကိုင်း)