ဘင်္ဂလားဒေ့ရှ်နိုင်ငံ၏ ကုန်စည်ပို့ကုန်တင်ပို့မှုသည် ယခုနှစ် ဧပြီလတွင် ယခင်နှစ်ကာလ တူထက် ၃၂.၉၂ ရာခိုင်နှုန်း မြင့်တက်ခဲ့ပြီး အမေရိကန်ဒေါ်လာ ၄ ဘီလီယံအထိ ရှိခဲ့ကြောင်း သိရပါသည်။ ၎င်းသည် အထည်ချုပ်လုပ်ငန်း တင်ပို့မှုအားကောင်းလာခြင်းနှင့် အဓိကစျေးကွက် များမှ ဝယ်လိုအား ပြန်လည်မြင့်တက်လာခြင်းတို့ကြောင့် ရှစ်လဆက်တိုက် ကျဆင်းနေမှုကို အဆုံးသတ်နိုင်ခဲ့ခြင်း ဖြစ်ကြောင်း သိရပါသည်။
ပို့ကုန်မြှင့်တင်ရေးဗျူရို (EPB) မှ မေလ ၃ ရက်နေ့တွင် ထုတ်ပြန်သော အချက်အလက်များအရ ဧပြီလ၏ ဝင်ငွေသည် ယခင်နှစ်ကာလတူမှ အမေရိကန်ဒေါ်လာ ၃.၀၁ ဘီလီယံနှင့် နှိုင်းယှဉ်လျှင်လည်းကောင်း၊ မတ်လတွင်ရရှိခဲ့သော အမေရိကန်ဒေါ်လာ ၃.၄၈ ဘီလီယံနှင့် နှိုင်းယှဉ်လျှင်လည်းကောင်း ၁၅.၂၀ ရာခိုင်နှုန်း မြင့်တက်လာခဲ့ခြင်းဖြစ်ကြောင်း သိရပါသည်။
ဧပြီလတွင် ပြန်လည်ဦးမော့လာခဲ့သော်လည်း ယခုဘဏ္ဍာနှစ် ဇူလိုင်လမှ ဧပြီလအထိ စုစုပေါင်း ပို့ကုန်ဝင်ငွေမှာမူ အမေရိကန်ဒေါ်လာ ၃၉.၃၉ ဘီလီယံရှိပြီး ယခင်နှစ်ကာလတူနှင့် နှိုင်းယှဉ်ပါက ၂.၀၂ ရာခိုင်နှုန်း ကျဆင်းနေဆဲဖြစ်ကြောင်းသည်။
ပို့ကုန်ဝင်ငွေ၏ အဓိကအစိတ်အပိုင်းဖြစ်သော အထည်ချုပ် (RMG) ကဏ္ဍသည် ဧပြီလတွင် အမေရိကန်ဒေါ်လာ ၃.၁၄ ဘီလီယံ ရရှိခဲ့ပြီး ၎င်းသည် ၂၀၂၅ ခုနှစ် ဧပြီလရှိ ၂.၃၉ ဘီလီယံထက် မြင့်တက်လာခဲ့ခြင်းဖြစ်ကြောင်း သိရပါသည်။
ဇူလိုင်လမှ ဧပြီလအထိ ကာလအတွင်း အထည်ချုပ်ကဏ္ဍ၏ ဝင်ငွေမှာ အမေရိကန် ဒေါ်လာ ၃၁.၇၁ ဘီလီယံရှိပြီး ယခင်နှစ်ကာလတူထက် ၃၁.၂၁ ရာခိုင်နှုန်းအထိ အဆမတန် မြင့်တက်လာခဲ့ကြောင်း သိရပါသည်။
ယခုကဲ့သို့ ပြန်လည်ဦးမော့လာခြင်းမှာ ကမ္ဘာ့ဝယ်လိုအား ပြန်လည်နိုးထလာခြင်းနှင့် နိုင်ငံ၏ ပို့ကုန်လုပ်ငန်းများ၏ ကြံ့ကြံ့ခံနိုင်ရည်ရှိမှုတို့ကြောင့်ဖြစ်ကြောင်း EPB က သုံးသပ်ထားပါသည်။ အဓိကစျေးကွက်ကြီးများသည် ဧပြီလအတွင်း တိုးတက်မှုများ အခိုင်အမာရရှိခဲ့ကြောင်း သိရပါသည်။ အမေရိကန်ပြည်ထောင်စုသို့ တင်ပို့မှုမှာ ယခင်နှစ်ထက် ၄၃.၀၁ ရာခိုင်နှုန်း မြင့်တက်ခဲ့ပြီး ယူနိုက်တက်ကင်းဒမ်းသို့ တင်ပို့မှုမှာလည်း ၂၃.၄၆ ရာခိုင်နှုန်း မြင့်တက်ခဲ့ပါသည်။ ဘင်္ဂလားဒေ့ရှ်၏ ထိပ်တန်းပို့ကုန်စျေးကွက် ၂၀ ခုလုံးတွင် ယခုလအတွင်း အပေါင်းလက္ခဏာဆောင်သော တိုးတက်မှုများ ရရှိခဲ့ကြောင်း သိရှိရပါသည်။
Source: The Daily Star
DOCA (ရန်ကုန်)