စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့နယ် ညောင်ပင်ဝန်းကျေးရွာတွင် စပါးနှင့်ပဲမျိုးစုံသီးနှံများကို အဓိကစိုက်ပျိုးကြပြီး ဟင်းသီးဟင်းရွက်များလည်း တစ်နိုင်တစ်ပိုင် စိုက်ပျိုးလျက်ရှိရာ ရွှေဖရုံသီးစိုက်ဧက (၄)ဧကခန့် စိုက်ပျိုးထားရှိကြောင်း သိရသည်။
ရွှေဖရုံသီးကို ဆောင်းသီးနှံစိုက်ပျိုးသည့် အောက်တိုဘာလတွင် စတင်စိုက်ပျိုး၍ မတ်လတွင် အသီးရင့်ကာ ခူးဆွတ်နိုင်ကြောင်း၊ မျိုးအနေဖြင့် အလုံးပြားရွှေဖရုံမျိုးကို စိုက်ပျိုးကြပြီး တစ်ဧကလျှင် မျိုးစေ့(၁၀၀)ဂရမ်ပါ (၁၄)ထုပ်ခန့် ကုန်ကျကြောင်း၊ စိုက်ပျိုးရာတွင် မြေအောက် ရေတင်စနစ်ဖြင့် စိုက်ပျိုးပြီး တစ်ပေခွဲအကွာ ကျင်းတူး၍ အစေ့ချစိုက်ပျိုးကြောင်း၊ စိုက်ပျိုးမှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားအင်အားအပါအဝင် တစ်ဧကလျှင် ငွေကျပ် (၁၆) သိန်းခန့် ကုန်ကျကြောင်း၊ အထွက်နှုန်းအနေဖြင့် တစ်ဧကလျှင်အလုံးရေ ၁၀၀၀မှ ၁၅၀၀ခန့် ထွက်ရှိပြီး အကျိုးအမြတ်အနေဖြင့် တစ်ဧကလျှင် ငွေကျပ်(၉)သိန်းထိ ရရှိကြောင်း၊ ဈေးကွက်အနေဖြင့် လက်လီ/လက်ကား မန္တလေးကုန်စိမ်းသည်များမှ အိမ်အရောက်လာရောက်ဝယ်ယူကြပြီး၊ ရွှေဖရုံသီးပင်စိုက်ပျိုးခြင်းသည် အသီးများသာမက အညွန့်အရွက်များပါ ရောင်းချရသောကြောင့် အပိုဝင်ငွေများရရှိပြီး ယခုနှစ်တွင် ဈေးနှုန်းကောင်းမွန်သောကြောင့် တောင်သူများအနေဖြင့် ပိုမိုရရှိကာ အဆင်ပြေလျှက်ရှိကြောင်း သိရှိရပါသည်။
DOCA(စစ်ကိုင်း)