နွားထိုးကြီးမြို့နယ်သည် ဆည်ရေသောက် အသင့်အတင့်ရှိ၍ ပဲမျိုးစုံ၊ ဆီထွက်သီးနှံ၊ ပြောင်းနှင့် ကြက်သွန်နီ များစိုက်ပျိုးလျက်ရှိရာ ထောပတ်ပဲ(ဆောင်း) သီးနှံကိုလည်း စိုက်ပျိုးလျက်ရှိကြောင်း၊ ထောပတ်ပဲ(ဆောင်း)ကို အောက်တိုဘာလနှင့် နိုဝင်ဘာလ တို့တွင် စတင်စိုက်ပျိုးပြီး ဇန်နဝါရီလနှင့် ဖေဖော်ဝါရီလတို့တွင် ရိတ်သိမ်းထွက်ပေါ်ကြောင်း သိရှိရသည်။ ၂၀၂၆-၂၀၂၇ခုနှစ်၌ နွားထိုးကြီးမြို့နယ်၌ ထောပတ်ပဲ(ဆောင်း)သီးနှံ စိုက်ဧက (၁၇၉၂)တွင် ဧကအားလုံးစိုက်ပျိုးရိတ်သိမ်း နိုင်ခဲ့ပြီး တစ်ဧကအထွက်နှုန်းအနေဖြင့် (၁၀) တင်း ခန့် ထွက်ရှိကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရှိရသည်။ အများဆုံး စိုက်ပျိုးသောကျေးရွာများမှာ မင်းရွာ၊ ပဲချက်ရွာ၊ ကျွန်းဒေါင့်ရွာ၊ မကျီးကန်ရွာ၊ ကဒေါင်ရွာနှင့် လက်ပံရွာတို့တွင် စိုက်ပျိုးထားကြောင်း၊ စိုက်ပျိုးချိန်မှ ရိတ်သိမ်းချိန်အထိ (၄)လခန့်ကြာ မြင့်ကြောင်း၊ ထောပတ်ပဲသီးနှံကို ထယ်ထိုးပြီးမျိုးစေ့ပတ်၊ ထယ်ဖုံးစနစ်ဖြင့် စိုက်ပျိုးကြပါသည်။ အများဆုံးစိုက်ပျိုးသော မျိုးများမှာ ပင်ထောင်မျိုးနှင့်ပင်ပြန့်မျိုးများကို အများဆုံးစိုက်ပျိုးကြကြောင်း၊ ထောပတ်ပဲ စိုက်ပျိုးရာတွင် မျိုးအနေဖြင့် (၅)ပြီခန့် ကုန်ကျကြောင်း၊ တစ်ဧကကုန်ကျစရိတ် အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၄၀၀၀၀၀)ကျပ်ခန့် ကုန်ကျကြောင်း၊ ထောပတ်ပဲသီးနှံကို ထယ်ထိုးပြီး မျိုးစေ့ပတ်၊ ထယ်ဖုံးစနစ်ဖြင့် စိုက်ပျိုးကြပါသည်။ ၂၀၂၆ခုနှစ်၊ မေလဒုတိယပတ်၌ ထောပတ်ပဲတစ်တင်းလျှင်(၈၀၀၀၀)ကျပ် ပေါက်ဈေးဖြင့် ရောင်းဝယ်လျက် ရှိကြောင်း၊ တစ်ဧကအကျိုးအမြတ်အနေဖြင့် (၄၀၀၀၀၀) ကျပ်ခန့်ရရှိကြောင်း၊ ထောပတ်ပဲ သီးနှံပေါ်ချိန်တွင် တောင်သူများမှ မြို့ပေါ်ပွဲရုံများသို့ တိုက်ရိုက်တင်ပို့ ရောင်းချကြကြောင်း၊ ထိုပွဲရုံများမှတစ်ဆင့် မန္တလေး၊ ရန်ကုန်မြို့ များသို့တင်ပို့ရောင်းချလျက် ရှိကြောင်း ပဲချက်ကျေးရွာမှ ထောပတ်ပဲ(ဆောင်း)စိုက်တောင်သူထံမှသိရှိရသည်။
DOCA(မန္တလေး)