အိန္ဒိယ စိုက်ပျိုးရေးဝန်ကြီး Shivraj Singh Chouhan က ၂၀၂၆ခုနှစ် မေလ ၁၈ ရက်နေ့ တွင် ၂၀၂၅-၂၆ သီးနှံနှစ် (ဇူလိုင်-ဇွန်) အတွင်း အိန္ဒိယနိုင်ငံ၏ ဂျုံထုတ်လုပ်မှုသည် မိုးရာသီ မဟုတ် သောအချိန်တွင် မိုးရွာသွန်းခြင်းနှင့် မိုးသီးကျခြင်းကြောင့် ဒေသအချို့တွင် ပျက်စီးမှုများရှိခဲ့သော် လည်း၊ ပြီးခဲ့သောနှစ်၏ တန်ချိန် ၁၁၇.၉၄ သန်းကို ကျော်လွန်နိုင်မည်ဟု မျှော်လင့်ထားကြောင်း၊ သီးနှံအခြေအနေကောင်းမွန်နေပြီး အစိုးရဝယ်ယူမှု (procurement) သည်လည်း စံချိန်တင်ဖြစ် လာမည်ဖြစ်ကြောင်း ပြောကြားခဲ့သည်။
ဂျုံသည် အဓိကဆောင်းရာသီသီးနှံဖြစ်ပြီး အဓိကစိုက်ပျိုးရာ ပြည်နယ်များတွင် ရိတ်သိမ်းမှု မှာအများအားဖြင့် ပြီးစီးလုနီးပါး ဖြစ်နေပြီဖြစ်သည်။အစိုးရ၏ ဝယ်ယူမှုလုပ်ငန်းများလည်း အပြည့် အဝ ဆောင်ရွက်နေကြောင်း သိရသည်။ စိုက်ပျိုးရေးဝန်ကြီးဌာနက မိုးရွာမှုမတိုင်မီ ၂၀၂၅-၂၆ အ တွက် ဂျုံထုတ်လုပ်မှုကို တန်ချိန် ၁၂၀.၂၁ သန်းအဖြစ် ခန့်မှန်းထားခဲ့ပြီး၊ ၎င်းပမာဏသည် ယခင် နှစ်က အမှန်တကယ်ထုတ်လုပ်မှုထက် ပိုမိုမြင့်မားခဲ့ကြောင်းသိရသည်။
Roller Flour Millers' Federation of India (RFFI) က မကြာသေးမီက ရာသီဥတု ပျက်စီး မှုများကို ထည့်သွင်းတွက်ချက်ပြီးနောက် ဂျုံထုတ်လုပ်မှု အနည်းငယ် လျော့နည်းနိုင်ကြောင်း ဧပြီ ၁၄ ရက်တွင် ခန့်မှန်းခဲ့သည်။ အစားအစာရေးရာ အတွင်းရေးမှူး Sanjeev Chopra က ခန့်မှန်းချက် နှစ်ခုအကြား ကွာဟမှုကို လျှော့ချသည့်အနေဖြင့် Federation က ဂျုံထုတ်လုပ်မှုကို တန်ချိန် ၁၁၀ သန်းဟု ခန့်မှန်းထားသော်လည်း၊ မိုးမရွာမီ စိုက်ပျိုးရေးဝန်ကြီးဌာနက တန်ချိန် ၁၂၀ သန်းဟု ခန့်မှန်းထားခဲ့ရာ အမှန်တကယ်ထုတ်လုပ်မှုက တန်ချိန် ၁၁၀ သန်းနဲ့ ၁၂၀ သန်းကြား ဖြစ်လာနိုင် သည်ဟု ပြောကြားခဲ့ကြောင်းသိရှိရပါသည်။
Source: The Business Standard, 11 May 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)