(၁၅.၅.၂၀၂၆ )ရက်နေ့ ညနေ (၁၅း၀၀)နာရီအချိန်တွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ မအူပင်မြို့နယ်တာဝန်ခံရုံးမှ စစ်ဆေးရေးအရာရှိ ဦးအောင်ဇော်ဦးသည် မအူပင်မြို့ပေါ်စတိုးဆိုင်များတွင် Myanmar Japan Tobacco Co.Ltdမှ ဆေးလိပ်အတု ထုတ်ကုန်များနှင့် အစိုးရအခွန်တံဆိပ်အတု အသုံးပြုထားခြင်း ရှိ/မရှိအား ပူးပေါင်းမိတ်ဖက်ဌာနများဖြစ်သော မြို့နယ်အခွန်များဦးစီးဌာန၊ မြို့နယ်ကျန်းမာရေးဦးစီးဌာန၊ မြန်မာနိုင်ငံရဲတပ်ဖွဲ့တို့နဲ့ ပူးပေါင်းကွင်းဆင်း စစ်ဆေးခဲ့ကြောင်း သိရသည်။
စစ်ဆေးဆောင်ရွက်ရာတွင် မအူပင်မြို့နယ် ဆေးလိပ်နှင့် ဆေးရွက်အရောင်းဆိုင် ဈေးကွက်အတွင်း မြန်မာနိုင်ငံတွင် အရည်အသွေးမြင့် ဆေးလိပ်အတုထုတ်ကုန်များ တိုးပွားလာနေပြီး နိုင်ငံတကာအဆင့်မီ စီးကရက်များမှထုတ်ကုန်တစ်ခုဖြစ်သော Mevius Original Blue အမှတ်တံဆိပ်ကိုရည်ညွှန်း၍ ထုတ်ကုန်အတုများ ဈေးကွက်အတွင်း တွေ့ရှိလာသည့်အတွက် အဆိုပါဆေးလိပ်အတုထုတ်ကုန်များနှင့် အစိုးရအခွန်တံဆိပ်အတုများအသုံးပြုပြီး မြို့နယ်အတွင်းရှိ ကုန်စုံအရောင်းဆိုင်များတွင် ရောင်းချမှုမရှိစေရေ ဈေးကွက်အတွင်းတွင် ဆေးလိပ် Mevius Original Blue ဗူးများမှာ မူလလက်ဟောင်းနှင့် လက်သစ်ဗူးများကိုသာရောင်းချကြောင်း လက်ဟောင်းဈေး ၁၉၀၀၀ကျပ်၊ လက်သစ်ဗူးမှာ ၉၀၀၀-၁၀၅၀၀ကျပ်ဖြင့် ဈေးကွက်အတွင်း အခွန်တံဆိပ်အစစ် အသုံးပြုထားသော ကုန်စည်များကိုသာရောင်းချနေကြောင်း စစ်ဆေးတွေ့ရှိရသည်ဟု သိရှိရပါသည်။
DOCA(ဧရာဝတီ)