စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ခရိုင် ဦးစီးမှူး၏ ကြီးကြပ်မှူဖြင့် ပခုက္ကူခရိုင်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် ဝန်ထမ်းတို့သည် စားသုံးသူ ပြည်သူများဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော စားသုံးဆီ များ ဝယ်ယူသုံးစွဲနိုင်ရန် ရည်ရွယ်၍ (၅.၆.၂၀၂၆)ရက်နေ့၊ နံနက်(၁၀:၀၀)အချိန်တွင် ပခုက္ကူမြို့၌ စားသုံး ဆီ အမျိုးမျိုး ရောင်းချသည့် ကုန်စုံဆိုင်၊ စတိုးဆိုင်များသို့သွားရောက်၍ အစားအသောက်နှင့် ဆေးဝါး ကွပ်ကဲရေး ဦးစီးဌာန(FDA)၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ဈေးကွက် စောင့်ကြည့်စစ်ဆေးခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ရောနှောဆီအပါအဝင် စားသုံးဆီအမျိုးမျိုးနှင့် ပတ် သက်၍ မြန်မာနိုင်ငံစားသုံးသူကာကွယ်ရေးကော်မရှင်၏ညွှန်ကြားချက်အမှတ်(၂/၂၀၁၉) ကုန်စည် အုပ်စု(၈)ခုတွင် ပါရှိရမည့်အချက်အလက်များ ပြည်စုံစွာဖော်ပြထားမှု ရှိ/မရှိ၊ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ ထုတ်ပြန်ထားသော ညွှန်ကြားချက်အမှတ်(၁/၂၀၂၁)နှင့် မြန်မာနိုင်ငံ အစားအသောက်နှင့် ဆေးဝါး အာဏာပိုင်အဖွဲ့မှ ထုတ်ပြန်ထားသော အမိန့်အမှတ်(၂/၂၀၂၄)တို့နှင့် ကိုက်ညီမှုရှိ/မရှိ၊ ထိုညွှန်ကြားချက် များအား လုပ်ငန်းရှင်များ သိရှိလိုက်နာဆောင်ရွက် နိုင်ရေး အတွက် ဈေးကွက်စောင့်ကြည့်စစ်ဆေးခြင်းနှင့် စားသုံးဆီလုပ်ငန်းရှင်များသို့ အသိပညာပေးခြင်းတို့ကို ဆောင် ရွက်ခဲ့ပြီး စားသုံးသူအသိပညာပေး လက်ကမ်းစာစောင်များ ဖြန့်ဝေခဲ့ပါသည်။ ကွင်းဆင်း စစ်ဆေးမှု အရ စားသုံးဆီများတွင် ကုန်အညွှန်းအမှတ်အသားပါအချက်အလက် ပြည့်စုံစွာဖော်ပြသည်ကိုလည်း တွေ့ရှိရပါသည်။
DOCA(မကွေး)