ဖျာပုံခရိုင်၊ ကျိုက်လတ်မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ၂၀၂၆ခုနှစ်၊ ဇွန်လ(၁၆)ရက်နေ့ ညနေ(၁၅:၀၀)နာရီအချိန်တွင် စားသုံးသူကာကွယ် ရေးအကြောင်းသိကောင်းစရာခေါင်းစဉ်ဖြင့် Talk Showအစီအစဉ်အား ပြန်ကြားရေးနှင့်ပြည်သူဆက်ဆံရေးရုံးတွင် ပြုလုပ်ဆောင်ရွက်ခဲ့ကြောင်း သိရသည်။
ထိုသို့ဟောပြောရာတွင် မြို့နယ်တာဝန်ခံဦးမိုးမင်းသန်းက စားသုံးသူအခွင့်အရေး အပြည့်အဝရရှိစေရန် စားသုံးသူကာကွယ်ရေးနှင့်စပ်လျဉ်း၍ စီးပွားရေးလုပ်ငန်းရှင်များဘက်မှလည်း ဥပဒေနှင့်အညီ ဆောင်ရွက်ပေးရန်နှင့် စားသုံးသူတို့အား ဘေးအန္တရာယ်ဖြစ်စေသော ကုန်စည်များကိုသာ ရွေးချယ်ဝယ်ယူ စားသောက်ကြရန် မှာကြားဆွေးနွေးခဲ့ပါသည်။ ထိုနောက် စားသုံးသူများအနေဖြင့် Online Shopမှ ဝယ်ယူ သုံးစွဲရာတွင်လည်း မိမိတို့ဝယ်ယူမည့်ကုန်စည်ကိုလေ့လာပြီး ယုံကြည်စိတ်ချရမှုရှိသည့် Online Shopများမှ ရွေးချယ်ဝယ်ယူကြရန်နှင့် ဆက်သွယ်ရန်ဖုန်းနံပါတ်လိပ်စာတို့ကို တိကျစွာဖော်ပြထားသော Online Shopမှ သာဝယ်ယူကြရန်တို့ကို ဟောပြောဆွေးနွေးခဲ့ကြပါသည်။ ထိုနောက် စားသုံးသူများစိတ်ကျေနပ်မှုမရှိပါက Call Center 1535 သို့ ဆက်သွယ်တိုင်ကြားနိုင်ကြောင်းတို့ကို ဟောပြောဆွေးနွေးခဲ့ကြောင်း သတင်းရရှိပါ သည်။
DOCA(ဧရာဝတီ)