ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့တွင် အခြေခံစားသောက်ကုန်ပစ္စည်းများ အားစျေးနှုန်း မှန်ကန်စွာ ရောင်းချနေမှုရှိ/ မရှိ မြို့နယ်စည်ပင်သာယာရေးအဖွဲ့ တာဝန်ရှိသူများက (၁၇-၆-၂၀၂၆) ရက်နေ့နံနက်ပိုင်းတွင် မြို့မဈေးအတွင်း ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ပန်းတနော် မြို့နယ်စားသုံးသူရေးရာဦးစီးဌာနက ဦးအောင်ကျော်သက် မြို့နယ်တာဝန်ခံနှင့် မြို့နယ်စည်ပင်သာ ယာရေးအဖွဲ့တို့မှဦးဆောင်၍ ပန်းတနော်မြို့၊ မြို့မဈေးကြီးအတွင်း ဆန်၊ ဆီ၊ ဆား၊ ပဲ၊ ကြက်သွန်၊ အာလူး၊ ငရုတ်သီး၊ ကြက်ဥ၊ ဘဲဥစသည့်အခြေခံစားသောက်ကုန်ပစ္စည်းများနှင့် အသား၊ ငါး၊ ဟင်းသီးဟင်းရွက်များအား ကုန်ဈေးနှုန်းမြင့် တက်ရောင်းချမှုမရှိစေရေးနှင့် ကုန်ပစ္စည်းများအား ဈေးနှုန်းမှန်ကန်စွာ ရောင်းချစေရေး ကွင်းဆင်းကြည့်ရှုစစ်ဆေးခဲ့ရာ ပေါ်ဆန်းရင် အသစ် ၁အိတ် ၁၆၀၀၀၀ကျပ်၊ ဆင်းသုခအသစ် ၁အိတ် ၈၅၀၀၀ ကျပ်၊ ရက်၉၀ အသစ် ၉၀၀၀၀ကျပ်၊ ဒေသငရုတ်ရှည် ၁ပိဿာ ၂၅၀၀၀ကျပ်၊ ငရုတ်ပွ ၄၀၀၀၀ကျပ်၊ ကြက်သွန်နီ ၁ပိဿာ ၃၅၀၀ကျပ်၊ ကြက်ဖြူကြူကုတ် ၁ပိဿာ ၂၀၀၀၀ကျပ်၊ ကြက်ဖြူ ရှမ်း ၁ပိဿာ ၁၂၀၀၀ကျပ်၊ အာလူးလတ် ၁ပိဿာ ၄၀၀၀ကျပ်၊ အိုင်အိုဒင်းဆား ၁ပိဿာ ၂၀၀၀ကျပ်၊ ဘဲဥ ၅၅၀ကျပ်၊ ကြက်ဥ ၅၀၀ကျပ် ဖြစ်ပေါ်နေပြီး ယခင်အပတ်ဈေးဖြင့်နှိုင်းယှည်ပါက ဈေးနှုန်းတည်ငြိမ်နေကြောင်း သိရှိရပါသည်။
DOCA(ဧရာဝတီ)