စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးတင်စိုးနိုင် (ဦးစီးမှူး)သည် ၂၅-၆-၂၀၂၆ ရက်နေ့၊ နံနက် (၁၀:၃၀)နာရီ အချိန်တွင် ဥတ္တရသီရိမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် “ထုတ်ကုန်လုံခြုံစိတ်ချရမှုဆိုင်ရာကိစ္စရပ်များ အကြောင်း Talk Show ကျင်းပပြုလုပ်ခဲ့ပါသည်။
ထုတ်ကုန်လုံခြုံစိတ်ချရမှုဆိုင်ရာကိစ္စများအကြောင်း ဆွေးနွေးပြောကြားရာတွင် စားသုံးသူရေးရာဦးစီးဌာနအနေဖြင့် စားသုံးသူကာကွယ် ရေးဥပဒေပါပြဌာန်းချက်များနှင့်အညီ ဆောင်ရွက်ပေးလျက်ရှိပါကြောင်း၊ စားသုံးသူများအသုံးပြုမည့်ကုန်စည်ဝန်ဆောင်မှုများ ဘေးအန္တရာယ်ကင်းရှင်း ပြီးလုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းအား ဈေးကွက်မရောက်မီ နှင့်ဈေးကွက်ရောက်ပြီး စစ်ဆေးခြင်းများ ဆောင်ရွက်လျက်ရှိပါကြောင်း၊ စစ်ဆေးရမည့်ကုန်စည်များကိုလည်း ဦးစားပေးကဏ္ဍများသတ်မှတ်၍ စစ်ဆေးခြင်းများ ဆောင်ရွက်လျက်ရှိပါကြောင်း၊ ဘေးအန္တရာယ်ရှိသော ကုန်စည်နှင့်ဝန်ဆောင်မှုများအား ဈေးကွက်အတွင်းမှ ပြန်လည်သိမ်းဆည်း စေခြင်း၊ ရောင်းချဖြန့်ဖြူးခြင်းကို တားမြစ်ခြင်းများ ဆောင်ရွက်လျက်ရှိပါကြောင်း Talk Show ဆွေးနွေးပြောကြားခဲ့ပါကြောင်း သိရှိရပါသည်။
DOCA(ပြည်ထောင်စုနယ်မြေ)