၂၀၂၆ ခုနှစ်၊ ကမ္ဘာ့စားသောက်ကုန်ဘေးကင်းလုံခြုံမှုနေ့ကို ဂုဏ်ပြုသောအားဖြင့် ထိုင်းနိုင်ငံ၏ စိုက်ပျိုးရေးကုန်စည်နှင့် စားသောက်ကုန်စံနှုန်များဆိုင်ရာ အမျိုးသားဗျူရို (ACFS) သည် ဘန်ကောက်မြို့တွင် “တာဝန်များမှသည် ဖြေရှင်းနည်များဆီသို့-နေရာတိုင်းတွင် ဘေးကင်းသော အစားအစာများ” ဟူသောခေါင်းစဉ်ဖြင့် အသိပညာပေးအခမ်းအနားတစ်ခုကို ကျင်းပခဲ့ကြောင်း သိရသည်။
အဆိုပါအခမ်းအနားတွင် ကုန်ကြမ်းရွေးချယ်ခြင်း၊ သန့်စင်ခြင်း၊ အစားအစာပြင်ဆင်ခြင်း၊ သိုလှောင်ခြင်းနှင့် စနစ်တကျချက်ပြုတ်ခြင်းတို့နှင့် ပတ်သတ်သည့် “ဘေးကင်းသောအစားအစာ စားသုံးမှု” ဟူသောခေါင်းစဉ်ဖြင့် တိုက်ရိုက်သရုပ်ပြပွဲကို ကျင်းပပြုလုပ်ခဲ့ပြီး အမျိုးသားစံနှုန်းများနှင့်အညီ အသိအမှတ်ပြုထားသော အဖွဲ့အည်းများနှင့် စိုက်ပျိုးရေးထွက်ကုန်များအား ပြသသည့်ပြပွဲတစ်ခုနှင့် “စားသောက်ကုန်ဘေးကင်းရေး စံနှုန်များအောက်ရှိ အနာဂတ်အစားအစာလမ်းကြောင်းများ” ခေါင်းစဉ်ဖြင့် ဆွေးနွေးပွဲများကိုလည်း ကျင်းပပြုလုပ်ခဲ့ကြောင်း သိရသည်။
ထိုကျင်းပပြုလုပ်သည့် ရည်ရွယ်ချက်မှာ သိပ္ပံနည်းကျ ဗဟုသုတများ၊ အထောက်အထားများနှင့် စားသောက်ကုန်ဘေးကင်းရေးစံနှုန်းများကို အစားအစားထုတ်လုပ်မှု ကွင်းဆက်တစ်လျှောက် လက်တွေ့လုပ်ဆောင်ချက်များအဖြစ် ပြောင်းလဲခြင်းဖြင့် အစားအစာမှတစ်ဆင့် ကူးစက်သောရောဂါများကို ကာကွယ်ရန်နှင့် လူတိုင်အတွက်ဘေးကင်းသော အစားအစာများရရှိစေရန် အလေးပေးဖော်ပြခြင်းဖြစ်ပြီး အဆိုပါအခမ်းအနားတွင် စားသောက်ကုန်ဘေးကင်းရေး စံနှုန်းများကို လိုက်နာဆောင်ရွက်မှုအတွက် အသိအမှတ်ပြုထားသော စိုက်ပျိုးရေးထွက်ကုန်ဈေးများ၊ အော်ဂဲနစ်ထုတ်ကုန်ဈေးများနှင့် စိုက်ပျိုးရေးလက်ကားဈေးများကို ဂုဏ်ပြုသည့် တရားဝင်အခမ်းအနားကိုလည်း ထည့်သွင်းကျင်းပခဲ့ပြီး ကမ္ဘာ့စားသောက်ကုန်ဘေးကင်းလုံခြုံမှုနေ့၏ အဓိကသတင်းစကားများကို မြှင့်တင်ရန်အတွက် Facebook Live မှတစ်ဆင့် တိုက်ရိုက်ထုတ်လွှင့်ခဲ့ကြောင်း သိရှိရသည်။
ထိုလှုပ်ရှားမှုများသည် အစားအစာဘေးကင်းလုံခြုံမှုဆိုင်ရာ ပြည်သူလူထု၏ အသိပညာကို မြှင့်တင်ရန်နှင့် အစားအစာမှတစ်ဆင့် ကူးစက်သောရောဂါများကို ကာကွယ်ရန်၊ ပိုမိုဘေးကင်းပြီး ရေရှည်တည်တံ့သော စားသောက်ကုန်စနစ်ကို တည်ဆောက်ရန်အတွက် အစားအစာထုတ်လုပ်မှု ကွင်းဆက်တစ်လျှောက် စုပေါင်းလုပ်ဆောင်မှု၏အရေးပါမှုကို အလေးပေးဖော်ပြရန် ရည်ရွယ်ခြင်းဖြစ်ကြောင်း သိရှိရပါသည်။
Source : Global Agriculture
DOCA (ရန်ကုန်)