စားသုံးသူစွမ်းဆောင်နိုင်မှုကို မြှင့်တင်နိုင်ရေးအတွက် စားသုံးသူကာကွယ်ရေးနှင့်ပတ်သက်၍ အသိပညာဗဟုသုတ ပြည့်ဝသောစားသုံးသူများ ပြုစုပျိုးထောင်ပေးရန်နှင့် စားသုံးသူများ ဘေးအန္တရာယ် ကင်းရှင်းရေး၊ ကျန်းမာရေး ၊ စိတ်ကျေနပ်မှု ရရှိစေရေးအတွက် အာမခံချက်ပေးနိုင်သော အရည်အသွေး မြင့်မားသည့် ကုန်စည် သို့မဟုတ် ဝန်ဆောင်မှုများကို ဖော်ဆောင်ဖြည့်ဆည်းပေးနိုင်ရန် ရည်ရွယ်လျက် စားသုံးသူရေးရာဦးစီးဌာန၊ မြစ်ကြီးနားခရိုင်ရုံးမှ ဒေါ်သီတာဖြိုး (အကြီးတန်းစာရေး)သည် ၁၀-၇-၂၀၂၆ ရက်နေ့ ၁၀:၀၀ နာရီအချိန်တွင် မြစ်ကြီးနားမြို့နယ်၊ နောင်နန်း ကျေးရွာ၊ အမှတ်(၈)၊ အခြေခံပညာ မူလတန်းကျောင်းရှိ ဆရာ/ ဆရာမ၊ ကျောင်းသား/ကျောင်းသူ (၅၀)ဦးအား အသိပညာပေး ဟောပြောခဲ့ပါသည်။
ထိုသို့ အသိပညာပေးဟောပြောရာတွင် စားသုံးသူကာကွယ်ရေး စတင်ပေါ်ပေါက်လာပုံ၊ စားသုံးသူဆိုသည်မှာ ကုန်စည် သို့မဟုတ် ဝန်ဆောင်မှုကို ကုန်သွယ်ရောင်းဝယ်မှုပြုရန် သို့မဟုတ် အသက်မွေးဝမ်းကြောင်းပြုရန်မဟုတ်ဘဲ ကိုယ်တိုင်သုံးစွဲမှုအတွက်သော်လည်းကောင်း၊ အခြားသူ အတွက်သော်လည်းကောင်း ရည်ရွယ်၍ ဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည် ချေးငှားခြင်း ပြုလုပ်သူများ သို့မဟုတ် ပေးကမ်းထောက်ပံ့ခြင်းခံရသူများကိုဆိုလိုကြောင်း၊ စားသုံးသူကာကွယ်ရေး ဥပဒေပြဋ္ဌာန်းချက်ပါ စားသုံးသူ၏အခွင့်အရေး (၈) ချက် နှင့် တာဝန်(၄)ချက်အကြောင်း၊ ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ သိကောင်းစရာများအကြောင်း၊ စားသုံးသူနစ်နာဆုံးရှုံးမှုများ အတွက် တိုင်ကြားနိုင်သည့်နည်းလမ်းနှင့် ဖြေရှင်းဆောင်ရွက်ပေးမှုအခြေအနေ၊ အချိုရည်များအလွန် အကျွံသောက်သုံးမှုကြောင့် ဖြစ်ပေါ်လာနိုင်သည့် အန္တရာယ်များအကြောင်း၊ တာရှည်ခံဆေးများနှင့် အစားအသောက်တွင် သုံးစွဲခွင့်မရှိသော ဓာတုဆိုးဆေးများအကြောင်း၊ အီလက်ထရောနစ် အငွေ့ရှူစက်ဖြစ်သည့် အီလက် ထရောနစ်စီးကရက်၊ အီလက်ထရောနစ်ရှီးရှား၊ အပူပေးအငွေ့ရှူစက် နှင့်ပတ်သက်၍ သိကောင်းစရာများ မူးယစ်ဆေးဝါးအန္တရာယ်ဆိုင်ရာ အသိပညာများနှင့် ကုန်စည်များ ကို ဝယ်ယူသုံးစွဲရာတွင် ကုန်အညွှန်းအမှတ်အသား ပြည့်စုံမှန်ကန်မှုရှိသော ကုန်စည်များကိုသာ ဝယ်ယူသုံးစွဲရန်တို့ကို အသိပညာပေးဟောပြောခဲ့ပြီး “စားသုံးသူအခွင်းအရေး” လက်ကမ်းစာစောင် များဖြန့်ဝေခဲ့ကြောင်း သတင်းရရှိပါသည်။
DOCA(ကချင်)