စားသုံးသူရေးရာဦးစီးဌာန၊ကယားပြည်နယ်ဦးစီးမှူးရုံးအစည်းအဝေးခန်း၌ ၂၀၂၆ ခုနှစ်၊ ဇူလိုင် လ ၁၃ ရက်နေ့ နံနက်(၁၀:၀၀)အချိန်တွင် ရုံးလုပ်ငန်းများဆောင်ရွက်ရာတွင် လျင်မြန်လွယ်ကူ စေရန်အတွက် ကွန်ပျူတာသင်တန်းဖွင့်ပွဲအခမ်းအနားအား ဖွင့်လှစ်ခဲ့ပါသည်။
အဆိုပါ သင်တန်းဖွင့်ပွဲအခမ်းအနားတွင် ပြည်နယ်ဦးစီးမှူး ဦးမိုးညွန့်ဦးက အဖွင့်အမှာစကား ပြောကြားရာတွင် ဝန်ထမ်းငယ်လေးများအနေဖြင့် ယခု ဖွင့်လှစ်ပို့ချသော ကွန်ပျူတာသင်တန်းတွင် သင်ကြားပို့ချသည်များကို ကြိုးစားသင်ယူကြရန် ပြောကြားခဲ့ပါသည်။ ဆက်လက်ပြီး စားသုံး/ ထုတ်လုံ တာဝန်ခံ ဦးစီးအရာရှိ ဒေါ်သစ္စာဖူးက ဌာန၏ လုပ်ငန်းဆောင်ရွက်ချက်များ (Point) ထုတ် ပြီးတင်ပြရာတွင် အသုံးပြုသည့် Power Point အသုံးပြုနည်းအဆင့်ဆင့်ကို သင်ကြားပို့ချခဲ့ပါသည်။
စီမံ/ငွေစာရင်းတာဝန်ခံ ဒေါ်နော်ကြူကြူ(ဦးစီးမှူး)က ကွန်ပျူတာစာစီစာရိုက် တစ်ခုဖြစ် သည့် Microsoft Excel အသုံးပြုပုံ သင်ကြားရာတွင် Short Cut Key များ၊ Filter ၊ စာရင်းဇယား ရေးဆွဲနည်းများသင်ကြားပို့ချခဲ့ပါသည်။ ဆက်လက်ပြီး သတင်း/နည်းတာဝန်ခံ ဒေါ်အေးအေးမော် (ဌာနခွဲစာရေး)က ကွန်ပျူတာစာစီစာရိုက်တစ်ခုဖြစ်သော Microsoft Word အသုံးပြုပုံ သင်ကြားရာ Microsoft Word ဖြင့် ရုံးစာတစ်စောင်ရိုက်ရာတွင် Tab ၊ Control ၊ line spacing ၊ Short Cut Key များ၊ ကွန်ပျူတာသန့်ရှင်းရေးလုပ်နည်းများ အသေးစိတ်ရှင်းလင်းပို့ချခဲ့ပြီး အဆိုပါ ကွန်ပျူတာ သင်တန်းကို ၂ ရက်တာ ကာလဆောင်ရွက်ခဲ့ပြီး သင်တန်းဆင်းပွဲအား ၂၀၂၆ ခုနှစ်၊ ဇူလိုင် လ ၁၄ ရက်နေ့တွင် ဆောင်ရွက်ပြီးစီးခဲ့ကြောင်း သိရှိရပါသည်။
DOCA(ကယား)