၁၈.၈.၂၀၂၆ ရက်နေ့ နံနက် (၀၉:၀၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ ကျိုက်ထိုခရိုင်၊ ဘီးလင်းမြို့နယ်တာဝန်ခံသည် ပြည်နယ်အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီဝင်များနှင့် ပူးပေါင်း၍ ဘီးလင်းမြို့နယ်၊ နှင်းပုလဲ ကျေးရွာရှိ Golden Boat သောက်ရေသန့်လုပ်ငန်းနှင့် ဘိုးလှကြီးရပ်ကွက်ရှိ Moon Teen သောက်ရေသန့်လုပ်ငန်းတို့အား ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးရာတွင် သောက်ရေသန့်ထုတ်လုပ်မှုလုပ်ငန်းများ၏ လုပ်ငန်း လိုင်စင်၊ ထုတ်လုပ်မှုဆိုင်ရာစံချိန်စံညွှန်းများ၊ ထုတ်လုပ်သန့်စင်မှုအခြေအနေ၊ သန့်ရှင်းရေး နှင့် ကျန်းမာရေးဆိုင်ရာလိုက်နာဆောင်ရွက်မှုများကို စစ်ဆေးကြည့်ရှုခဲ့ပြီး စားသုံးသူများ ဘေးကင်းလုံခြုံသော သောက်ရေသန့်ကို သုံးစွဲနိုင်ရေးအတွက် လိုအပ်သည့် အသိပညာပေး နှင့် လမ်းညွှန်မှာကြားမှုများကိုလည်း ဆောင်ရွက်ခဲ့ကြောင်း သိရှိရပါသည်။
DOCA (မွန်)