စက်တင်ဘာလ စပါးရိတ်သိမ်းရာသီ မစတင်မီ သြဂုတ်လအစောပိုင်းတွင် ဖိလစ်ပိုင်နိုင်ငံ တစ်ဝှမ်း ဆန်လက်လီဈေးနှုန်းများ မြင့်တက်လာခဲ့သည်ဟု ဖိလစ်ပိုင်စာရင်းအင်းအာဏာပိုင်အဖွဲ့ (PSA) က ထုတ်ပြန်ခဲ့ကြောင်း၊ စိုက်ပျိုးရေး ကုန်စည်ဈေးနှုန်းများနှင့် ပတ်သက်သည့် နောက်ဆုံး ထုတ် အစီရင်ခံစာအရ ပုံမှန်ဆန်ကြမ်း တစ်ကီလိုဂရမ်လျှင် ပျမ်းမျှဈေးနှုန်းမှာ သြဂုတ်လ ၁ ရက် နေ့မှ ၅ ရက်နေ့အတွင်း ပီဆို ၄၉.၆၁ ရှိခဲ့ပြီး ၂၀၂၅ ခုနှစ်၊ ကာလတူတန်ဖိုး ပီဆို ၄၀.၆၁နှင့် နှိုင်း ယှဉ်ပါက ၂၂.၁၆ ရာခိုင်နှုန်း မြင့်တက်လာကြောင်း သိရှိရသည်။
အဆိုပါဈေးနှုန်းမှာ ဇူလိုင်လအစောပိုင်းက မှတ်တမ်းတင်ခဲ့သည့် တစ်ကီလိုဂရမ်လျှင် ပီဆို ၄၉.၃၂ နှင့် ထိုလနှောင်းပိုင်းက ပီဆို ၄၉.၃၀တို့ထက် အနည်းငယ် ပိုမိုများပြားနေကြောင်း၊ ယခုကဲ့သို့ ဆန်ဈေးနှုန်းများ မြင့်တက်လာခြင်းမှာ အယ်လ်နီညိုရာသီဥတုဖြစ်စဉ်၏ သက်ရောက် မှုများကြောင့် တတိယသုံးလပတ်အတွင်း စပါးထွက်နှုန်း လျော့နည်းလာဖွယ်ရှိသည်ဟု ဖိလစ်ပိုင် စိုက်ပျိုးရေးဦးစီးဌာနက ခန့်မှန်းထားချိန်တွင် ဖြစ်ပေါ်လာခြင်း ဖြစ်သည်။
ဇူလိုင်လမှ စက်တင်ဘာလအထိ တတိယသုံးလပတ်အတွင်း စပါးထွက်နှုန်းမှာ ၁၃.၃ ရာခိုင်နှုန်းကျဆင်းကာ မက်ထရစ်တန် ၃.၂၅ သန်းသို့ ကျဆင်းသွားနိုင်သည်ဟု PSA က အစောပိုင်း အစီရင်ခံစာတွင် ခန့်မှန်းထားခဲ့ကြောင်း၊ နှိုင်းယှဉ်ကြည့်ရလျှင် ဒုတိယသုံးလပတ်အတွင်း စပါးထွက် နှုန်းမှာ ၅.၇ ရာခိုင်နှုန်း တိုးလာပြီး မက်ထရစ်တန် ၄.၆၃ သန်း ရှိခဲ့သည်။
Source: Inquire.net, 20 August, 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)