ညောင်ဦးမြို့နယ်အတွင်းဝမ်းပျက်ဝမ်းလျှောရောဂါဖြစ်ပွားမှုမရှိစေရေးအတွက် သက်ဆိုင်ရာ ဌာနများပူးပေါင်း၍ (၁၉.၈.၂၀၂၆) ရက်နေ့၊ နံနက်(၀၈:၃၀) နာရီအချိန်တွင် ညောင်ဦးမြို့ရှိ အခြေခံပညာ အထက်တန်းကျောင်းမုန့်ဈေးတန်းများ၊ ဈေးများ၊ လမ်းဘေးဈေးဆိုင်များနှင့် စားသောက်ဆိုင်များအား ကွင်းဆင်းစစ်ဆေးခဲ့ပါသည်။
အဆိုပါကွင်းဆင်းစစ်ဆေးရာတွင် ညောင်ဦးမြို့နယ်အထွေထွေအုပ်ချုပ်ရေးဦးစီးဌာန၊ အခြေခံ ပညာရေးဦးစီးဌာန၊ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန(FDA)၊ စားသုံးသူရေးရာ ဦးစီးဌာန၊ မြို့နယ်စည်ပင်သာယာရေးအဖွဲ့၊ ကျန်းမာရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ မြို့နယ်ရဲတပ်ဖွဲ့တို့ပူးပေါင်းပါဝင်ခဲ့ပြီး အစားအစာဈေးရောင်းချသူများအနေဖြင့် အစားအစာ များသန့်ရှင်းစွာထားသိုပြင်ဆင်၍ ရောင်းချရန်၊ ရောင်းချလျက်ရှိသော ကုန်စည်များနှင့်ပတ်သက်၍ သက်ဆိုင်ရာဌာနထောက်ခံချက်နှင့် စားသုံးသူကာကွယ်ရေးဥပဒေပါ ကုန်စည်အမျိုးအစားအလိုက် ထည့်သွင်းဖော်ပြပါဝင်ရမည့် ကုန်အညွှန်းအမှတ်အသားများပြည်စုံ မှန်ကန်စွာပါဝင်သော အစား အသောက်များသာရောင်းချရန်၊ သတ်မှတ်ချက်များနှင့်မညီသော၊ ဘေးအန္တရာယ်ဖြစ်စေနိုင်သော အစား အစာများရောင်းချခြင်းများမရှိစေရေးနှင့် ဝမ်းပျက်ဝမ်းလျောရောဂါမဖြစ်ပွားစေရေး ကြိုတင်ကာကွယ်မှု လုပ်ငန်းများနှင့်ပတ်သက်၍ အသိပညာပေးခြင်းများ ဆောင်ရွက်ခဲ့ကြကြောင်း သိရသည်။
DOCA(မန္တလေး)