ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်အတွင်းရှိ ပြည်သူများ ဘေးအန္တရာယ် ကင်းရှင်းစွာ ဆေးဝါးနှင့် လူသုံးကုန်ပစ္စည်းများ ဝယ်ယူသုံးစွဲနိုင်ရေးအတွက် ၂၀၂၆ ခုနှစ်၊ ဩဂုတ်လ ၁၄ ရက်နေ့ နံနက် ၁၀:၀၀ နာရီအချိန်တွင် ဒေးဒရဲမြို့ မြို့မဈေးအတွင်းနှင့် မြို့ပေါ်ရပ်ကွက်များရှိ ဆေးပစ္စည်းအရောင်းဆိုင်များ၊ အလှကုန်ဆိုင်များနှင့် ကုန်စုံဆိုင်များအား ရှောင်တခင် ကွင်းဆင်း စစ်ဆေးခဲ့သည်။
အဆိုပါ ကွင်းဆင်းစစ်ဆေးမှုကို မအူပင်ခရိုင် အစားအသောက်နှင့် ဆေးဝါးကွပ်ကဲရေးဦးစီး ဌာနမှ ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ ကျန်းမာရေးဌာန၊ စည်ပင်သာယာရေးအဖွဲ့နှင့် စားသုံးသူရေးရာဦးစီးဌာနတို့မှ တာဝန်ရှိသူများ ပါဝင်သောပူးပေါင်း အဖွဲ့ဖြင့်ဆောင်ရွက်ခဲ့ခြင်းဖြစ်သည်။ကွင်းဆင်းစစ်ဆေးရာတွင် ဆေးပစ္စည်းအရောင်းဆိုင်များ၌ မှတ်ပုံတင်ထားခြင်းမရှိသော ဆေးဝါးများ၊ သက်တမ်းလွန်ဆေးဝါးများနှင့် တရားမဝင်ဆေးဝါးများ ရောင်းချခြင်းရှိ၊ မရှိ စစ်ဆေးခဲ့ပြီး အလှကုန်ဆိုင်များတွင် သုံးစွဲရန်မသင့်သော အလှကုန်ပစ္စည်းများ ရောင်းချခြင်းရှိ၊ မရှိကို စစ်ဆေးခဲ့သည်။ ထို့အပြင် ကုန်စုံဆိုင်များတွင် အမှတ်တံဆိပ်မပါသော ကုန်ပစ္စည်းများ၊ သက်တမ်းလွန်ကုန်ပစ္စည်းများနှင့် သတ်မှတ်ထားသော ကုန်ညွှန်းအမှတ်အသားများ ပြည့်စုံစွာပါဝင်မှု ရှိ၊ မရှိတို့ကို စစ်ဆေးဆောင်ရွက်ခဲ့သည်။ထိုသို့ စစ်ဆေးခြင်းသည် စားသုံးသူများအနေဖြင့် အရည်အသွေးပြည့်မီပြီး ဘေးအန္တရာယ်ကင်းရှင်းသော ဆေးဝါး၊ အလှကုန်နှင့် လူသုံးကုန်ပစ္စည်းများကိုသာ ဝယ်ယူသုံးစွဲနိုင်စေရန်နှင့် စားသုံးသူအခွင့်အရေးများကို ကာကွယ်ပေးနိုင်ရန် ရည်ရွယ်၍ ဆောင်ရွက်ခြင်းဖြစ်သည်။ အစားအသောက်၊ ဆေးဝါးနှင့် အလှကုန်များ၏ ဘေးကင်းလုံခြုံရေးသည် ပြည်သူ့ကျန်းမာရေးအတွက် အရေးကြီးသည့်အပြင် သက်ဆိုင်ရာဌာနများကလည်း ဥပဒေ၊ နည်းဥပဒေများနှင့်အညီ စောင့်ကြည့်စစ်ဆေးမှုများ ဆောင်ရွက်လျက်ရှိကြောင်းအသိပညာပေးဆွေးနွေးပြောကြားခဲ့ကြောင်းသိရှိရ ပါသည်။
DOCA(ဧရာဝတီ)