အိန္ဒိယနိုင်ငံ၏ စီးပွားရေး ပိုမိုလျင်မြန်စွာ တိုးတက်လာ

           အိန္ဒိယနိုင်ငံ၏ စီးပွားရေးသည် ဒုတိယသုံးလပတ်တွင် ၇.၈ ရာခိုင်နှုန်းတိုးတက်ခဲ့ပြီး ဈေးကွက်၏ မျှော်မှန်းချက်များကို ကျော်လွန်ခဲ့သည်။ယင်းတိုးတက်မှုမှာ ရင်းနှီးတိုးတက်မှုနှင့် ထုတ်လုပ်မှု ကဏ္ဍတို့  အားကောင်းခဲ့ခြင်းကြောင့် ဖြစ်သည်။

          ပြီးခဲ့သည့် သုံးလပတ်တွင် GDP တိုးတက်မှုနှုန်း ၇.၈ ရာခိုင်းနှုန်း ရှိခဲ့ပြီး Reuters ၏ စစ်တမ်းအရ ခန့်မှန်းထားသည့် ၇.၁ ရာခိုင်နှုန်းထက် သိသိသာသာ မြင့်မားခဲ့သည်။ သို့သော် ၂၀၂၆ ခုနှစ် ပထမသုံးလပတ်အတွက် ခန့်မှန်းထားသည့် ၈.၆ ရာခိုင်နှုန်းထက် လျော့နည်းခဲ့သည်။

          အိန္ဒိယနိုင်ငံ စာရင်းအင်းနှင့် အစီအစဉ်အကောင်အထည်ဖော်ရေး ဝန်ကြီးဌာန၏ အချက် အလက်များအရ စိုက်ပျိုးရေးနှင့် ဆက်စပ်ကဏ္ဍများ၏ တိုးတက်မှုနှုန်းမှာ နှေးကွေးခဲ့သော်လည်း ထုတ်လုပ်မှုနှင့် ဝန်ဆောင်ကဏ္ဍများမှာ သိသိသာသာ တိုးတက်လာခဲ့သည်။

          အိန္ဒိယဗဟိုဘဏ် RBI က ဘဏ္ဍာနှစ်၏ ပထမသုံးလပတ်ဖြစ်သည့် ဧပြီလမှ ဇွန်လအထိ စီးပွားရေးတိုးတက်မှုကို ၇ ရာခိုင်းနှုန်းသာ ရှိမည်ဟု ခန့်မှန်းခဲ့သည်။ အကြောင်းအရင်းမှာ ကမ္ဘာ့စီးပွားရေး အခြေအနေ မတည်ငြိမ်မှုများကြောင့် ပြည်တွင်းစီးပွားရေးလုပ်ငန်းများအပေါ် ထိခိုက်မှု ရှိနိုင်ခြင်းကြောင့်ဖြစ်သည်။

          Mumbai အခြေစိုက် Axis Bank ၏ သုတေသနဌာနမှ ဒုတိယ ဥက္ကဌ Tanay Dalal က မျှော်မှန်းထားသည်ထက် ပိုမိုကောင်းမွန်သော ရလဒ်များသည် အိန္ဒိယစီးပွားရေး၏ ခံနိုင်ရည် အားကောင်းမှုကို ပြသနေကြောင်း ပြေားကြားခဲ့သည်။ အစိုးရ၏ ထောက်ပံ့ကြေးများနှင့် ရင်းနှီးမြှုပ်နှံမှုအသုံးစရိတ်များကလည်း စီးပွားရေးကို ထောက်ပံ့ပေးနေသည်။

          ထုတ်လုပ်မှု၊ လျှပ်စစ်နှင့် သဘာဝဓာတ်ငွေ့ကဏ္ဍများသည် ၉ ရာခိုင်နှုန်းနီးပါး တိုးတက်ခဲ့သည်။ ထိုးအပြင် ဘဏ္ဍာရေး၊ အိမ်ခြံမြေနှင့် ပရော်ဖက်ရှင်နယ် ဝန်ဆောင်မှုကဏ္ဍသည် ၁၂ ရာခိုင်နှုန်းအထိ တိုးတက်ခဲ့သည်။

          ယခုအချိန်တွင် အန္တရာယ်အများစုမှာ ပြည်တွင်ဝယ်လိုအား လျော့နည်းသွားနိုင်ခြင်း မဟုတ်ဘဲ ရေနံဈေးနှုန်း ဆက်လက်မြင့်မာနေခြင်း၊ ရူပီးငွေတန်ဖိုး အားနည်းလာခြင်းနှင့် ကမ္ဘာ့ဘဏ္ဍာရေးအခြေအနေ ပိုမိုတင်းကျပ်လာခြင်းတွေက အဓိကအန္တရာယ်များ ဖြစ်ကြောင်း သိရသည်။    

   DOCA (ရန်ကုန်)