အင်ဒိုနီးရှားရင်းနှီးမြှုပ်နှံမှုနှင့် တန်ဖိုးမြှင့်ထုတ်လုပ်ရေးဝန်ကြီးဌာန/ရင်းနှီးမြှုပ်နှံမှုညှိနှိုင်း ရေးဘုတ်အဖွဲ့ (BKPM) သည် နိုင်ငံ၏ရင်းနှီးမြှုပ်နှံမှုဝန်းကျင် ပိုမိုကောင်းမွန်လာစေရန် လိုင်စင် ထုတ်ပေးရေးလုပ်ငန်းစဉ်များ ရိုးရှင်းလွယ်ကူစေရေး၊ဥပဒေရေးရာသေချာမှုခိုင်မာစေရေးနှင့်စီမံကိန်းများတွင်ကြုံတွေ့နေရသည့် လုပ်ငန်းဆောင်ရွက်မှုဆိုင်ရာအခက်အခဲများကို ဖြေရှင်းပေး ရေးတို့ကို ဆက်လက်ဆောင်ရွက်လျက်ရှိကြောင်း သိရပါသည်။ ဩဂုတ် ၂၈ ရက်က ကျင်းပသည့် ၂၀၂၆ ခုနှစ် ဂျကာတာရင်းနှီးမြှုပ်နှံမှုပွဲတော် (JIF) ထိပ်သီးအစည်းအဝေးတွင် ရင်းနှီးမြှုပ်နှံမှုနှင့် တန်ဖိုးမြှင့်ထုတ်လုပ်ရေးဝန်ကြီး Rosan က ကမ္ဘာ့ရင်းနှီးမြှုပ်နှံသူများအနေဖြင့် မျိုးဆက်သစ် စီးပွားရေးကဏ္ဍများဘက်သို့ ပြောင်းလဲရင်းနှီးမြှုပ်နှံလာနေချိန်တွင် ဥပဒေရေးရာသေချာမှုခိုင်မာ စေရေးနှင့် လုပ်ငန်းဆောင်ရွက်မှုဆိုင်ရာအတားအဆီးများဖယ်ရှားရေးတို့သည် အဓိကဦးစားပေး လုပ်ငန်းများအဖြစ် ဆက်လက်တည်ရှိနေကြောင်း ပြောကြားခဲ့ပါသည်။ တန်ဖိုးမြှင့်ထုတ်လုပ် ရေး၏နောက်တစ်ဆင့်သည် သတ္တုတွင်းထွက်ပစ္စည်းများနှင့် ထိုပစ္စည်းများကို ပြုပြင်ထုတ်လုပ် ခြင်းအပေါ်တွင်သာ အာရုံစိုက်မည်မဟုတ်ကြောင်းနှင့် ဒစ်ဂျစ်တယ်အခြေခံအဆောက်အအုံ၊ နည်းပညာ၊ ဆန်းသစ်တီထွင်မှုနှင့် စက်မှုလုပ်ငန်းများဘက်ကိုပါတိုးချဲ့သွားမည်ဖြစ်ပြီး ၎င်းသည် အနာဂတ်ကမ္ဘာ့စီးပွားရေးတိုးတက်မှုကို ဆုံးဖြတ်ပေးမည်ဖြစ်ကြောင်း Rosan က ပြောကြားခဲ့ ပါသည်။ စည်းမျဉ်းစည်းကမ်းဆိုင်ရာအထောက်အကူပြုမှုများအပြင် BKPM သည် စီးပွားရေး လုပ်ငန်းများအတွက် ကြိုတင်ခန့်မှန်းနိုင်မှု ပိုမိုကောင်းမွန်စေရေးကိုလည်း ရည်ရွယ်ဆောင်ရွက် လျက်ရှိကြောင်း သိရပါသည်။ ခေတ်သစ်ရင်းနှီးမြှုပ်နှံသူများသည် ထုတ်လုပ်မှုကုန်ကျစရိတ်နှင့် ဈေးကွက်အရွယ်အစားတို့အပြင် မူဝါဒတည်ငြိမ်မှု၊ အခြေခံအဆောက်အအုံများ၏ ယုံကြည်စိတ်ချ ရမှုနှင့် ရေရှည်ဖွံ့ဖြိုးတိုးတက်ရေးမျှော်မှန်းချက်တို့ကိုပါ ထည့်သွင်းစဉ်းစားကြကြောင်း သိရပါ သည်။ Rosan က ဂျကာတာမြို့သည် အင်ဒိုနီးရှားနိုင်ငံ၏ စီးပွားရေးတိုးတက်မှုအတွက် အဓိက မောင်းနှင်အားတစ်ရပ်အဖြစ် ဆက်လက်ရပ်တည်နေကြောင်းလည်း အလေးပေးပြောကြား ခဲ့ပါသည်။ ၂၀၂၆ ခုနှစ် ပထမနှစ်ဝက်အတွင်း ဂျကာတာမြို့၌ ရင်းနှီးမြှုပ်နှံမှု အကောင်အထည် ဖော်နိုင်မှုတန်ဖိုးမှာ ရူပီး ၁၇၃.၆ ထရီလီယံ (အမေရိကန်ဒေါ်လာ ၁၀.၇ ဘီလီယံခန့်) ရှိခဲ့ပြီး နိုင်ငံတစ်ဝန်းစုစုပေါင်းရင်းနှီးမြှုပ်နှံမှု၏ ၁၇.၂ ရာခိုင်နှုန်းရှိခဲ့ကာ ဒေသအလိုက် ရင်းနှီးမြှုပ်နှံမှု အဆင့်တွင် ဂျကာတာက ထိပ်ဆုံး၌ရပ်တည်ခဲ့ကြောင်း သိရပါသည်။ ထို့ပြင် ဒုတိယသုံးလပတ် အတွင်း ဂျကာတာမြို့၏ ပြည်တွင်းအသားတင်ထုတ်ကုန် (GDP) တွင် ပါဝင်မှုမှာ ၁၆.၃ ရာခိုင်နှုန်း ရှိကြောင်း သိရပါသည်။ ဂျကာတာမြို့၏ ရင်းနှီးမြှုပ်နှံမှုများအနက် သယ်ယူပို့ဆောင်ရေး၊ သိုလှောင်ရုံနှင့် ဆက်သွယ်ရေးကဏ္ဍတွင် ရူပီး ၅၄.၄ ထရီလီယံ (အမေရိကန်ဒေါ်လာ ၃.၃၅ ဘီလီယံ) ဖြင့် အများဆုံးဖြစ်ကြောင်း သိရပါသည်။ ယင်းနောက် အခြားဝန်ဆောင်မှုလုပ်ငန်း များတွင် ရူပီး ၄၃.၆ ထရီလီယံ (အမေရိကန်ဒေါ်လာ ၂.၆၈ ဘီလီယံ)၊ ကုန်သွယ်ရေးနှင့် မော်တော် ယာဉ်ပြုပြင်ရေးလုပ်ငန်းများတွင် ရူပီး ၂၈.၄ ထရီလီယံ (အမေရိကန်ဒေါ်လာ ၁.၇၅ ဘီလီယံ)၊ အိမ်ရာနှင့် ရုံးခန်းနေရာကဏ္ဍတွင် ရူပီး ၁၄ ထရီလီယံ (အမေရိကန်ဒေါ်လာ ၈၆၂ သန်း) နှင့် ဆောက်လုပ်ရေးကဏ္ဍတွင် ရူပီး ၁၂.၉ ထရီလီယံ (အမေရိကန်ဒေါ်လာ ၇၉၄ သန်း) အသီးသီး ရင်းနှီးမြှုပ်နှံခဲ့ကြကြောင်း သိရပါသည်။ ဂျကာတာသည် အစဉ်အမြဲထိပ်တန်းငါးနေရာထဲတွင် ပါဝင်လေ့ရှိပြီး ယခုနှစ်ပထမနှစ်ဝက်တွင် ပထမနေရာကိုရရှိခဲ့ကြောင်း Rosan က ပြောကြား ခဲ့ပါသည်။ ထို့ပြင် BKPM အနေဖြင့် မဟာဗျူဟာမြောက် စီမံကိန်းများ အကောင်အထည် ဖော်ရာတွင် အထောက်အကူပြုနိုင်ရန် ဂျကာတာပြည်နယ်အစိုးရနှင့် ဆက်လက်၍အနီးကပ် ပူးပေါင်းညှိနှိုင်းဆောင်ရွက်သွားမည်ဖြစ်ကြောင်း သိရပါသည်။
DOCA (ရန်ကုန်)