စားသုံးသူများဘေးအန္တရာယ်ကင်းရှင်းရေး၊ ကျန်းမာရေး၊စိတ်ကျေနပ်မှုရရှိစေရေးအတွက် အာမခံ ချက်ပေးနိုင်သော အရည်အသွေးမြင့်မားသည့် ကုန်စည်သို့မဟုတ် ဝန်ဆောင်မှုများကို ဖော်ဆောင်ဖြည့် ဆည်းပေးနိုင်ရန်ရည်ရွယ်လျက်စားသုံးသူရေးရာဦးစီးဌာန၊ မြစ်ကြီးနားခရိုင်ရုံးမှ ဦးဇေယျာအောင် (ခရိုင်ဦးစီးမှူး)နှင့် စားသုံးသူရေးရာဦးစီးဌာနမှဝန်ထမ်းများသည် ၁၅-၉-၂၀၂၆ ရက်နေ့တွင် မြစ်ကြီးနားမြို့၊ တပ်ကုန်းရပ်ကွက်၊ ခရိုင်ပညာရေးမှူးရုံးမှ ဆရာ/ဆရာမ (၄၅)ဦးအား စားသုံးသူကာကွယ်ရေး အသိ ပညာပေး ဆောင်ရွက်ခဲ့ပါသည်။
ထိုသို့ ဟောပြောရာတွင် ဦးဇေယျာအောင် (ခရိုင်ဦးစီးမှူး)က စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနလက်အောက်ရှိ ဦးစီးဌာနများ၏လုပ်ငန်းဆောင်ရွက်မှုအခြေအနေများ၊ စားသုံး သူရေးရာဦးစီးဌာန၏ လက်ရှိဆောင်ရွက်မှုအခြေအနေများ၊ ၂၀၁၉ ခုနှစ်၊ စားသုံးသူကာကွယ်ရေးဥပဒေ ပါ စားသုံးသူကာကွယ်ရေးနှင့် စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူအခွင့်အရေး(၈) ချက်နှင့် တာဝန်(၄)ချက်၊ ကုန်စည်/ ဝန်ဆောင်မှုနှင့် စပ်လျဉ်း၍ အာမခံချက်ပေးခြင်း အပေါ်စားသုံးသူက တောင်းဆိုနိုင်သည့်အခွင့်အရေးများ၊ အချိုရည်အလွန်အကျွံသောက်သုံးမှုကြောင့် ဖြစ်ပေါ်လာနိုင်သည့် အန္တရာယ်များအကြောင်း၊ အစားအသောက်တွင် သုံးစွဲခွင့်မရှိသောဆိုးဆေးများအကြောင်း၊ အသင့်စား ခေါက်ဆွဲခြောက်များအလွန်အကျွံ စားသုံးခြင်းကြောင့် ဖြစ်ပေါ်လာနိုင်သော အန္တရာယ်များအကြောင်း၊ ကုန်စည်များကို ဝယ်ယူသုံးစွဲရာတွင် ကုန်အညွှန်းအမှတ်အသား ပြည့်စုံမှန်ကန်မှုရှိသော ကုန်စည်များ ကိုသာ ဝယ်ယူသုံးစွဲရန်၊ ကုန်စည်/ ဝန်ဆောင်မှုများကို ဝယ်ယူရာ၌နစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့်နေရာများ၊ တိုင်ကြားရန် CICC ရုံးခန်းများဖွင့်လှစ်ထားရှိမှုနှင့် ဖြေရှင်းဆောင်ရွက် ပေးနေမှု အခြေအနေများ၊ Consumer Call Center 1535 သို့ တိုက်ရိုက်ခေါ်ဆိုမေးမြန်းတိုင် ကြားနိုင်ပါကြောင်းနှင့် လက်တွေနမူနာခေါ်ဆိုမှုကို ခေါ်ဆိုပြသခဲ့ပြီး အသိပညာပေးဟောပြောခဲ့ ကြောင်း သတင်းရရှိပါသည်။
DOCA(ကချင်)