ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့ပေါ်ရှိ၊ စိုက်ပျိုးရေးဆေး၊မျိုး၊ ဓာတ်မြေ ဩဇာအရောင်းဆိုင်များသို့ ၂၀၂၆ ခုနှစ်၊ စက်တင်ဘာလ ၁ရက်နေ့၊ နံနက်(၉:၃၀) နာရီအချိန်တွင် ခရိုင် စိုက်ပျိုးရေးဌာနမှ ခရိုင်မန်နေဂျာဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စိုက်ပျိုးရေးဦးစီးဌာန၊စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့၊ ကျေးလက်ဖွံ့ဖြိုးရေးဦးစီးဌာနတို့ ပူးပေါင်း၍ စိုက်ပျိုးရေး အရောင်းဆိုင် (၆)ဆိုင်အား ကွင်းဆင်းစစ်ဆေးခဲ့ပါသည်။
စိုက်ပျိုးရေးဆေးဆိုင်များအား စစ်ဆေးရာတွင် ဆိုင်များမှာ လိုင်စင်ရှိ/မရှိ သက်တမ်းကျော်ပြီး ရောင်းချနေလား သက်ဆိုင်ရာဌာနမှ ညွှန်ကြားခွင့်ပြုထားသော ပိုးသတ်ဆေးများသာ ရောင်းချမှု ရှိ/မရှိ၊ သက်တမ်းလွန်ခြင်းရှိ/မရှိ ၊ဓာတ်မြေဩဇာများရောင်းချရာတွင်လည်း သက်မှတ်ထားသော ဈေးနှုန်းထက်ပိုရောင်းချမှုမရှိစေရန်နှင့် အရည်အသွေးကောင်း ဓာတ်မြေဩဇာများ ရောင်းချမှုရှိစေ ရန်ကိုလည်း အဖွဲ့မှတာဝန်ရှိသူများက စိုက်ပျိုးရေးဆေးဆိုင်ပိုင်ရှင်များအား အသိပညာပေးစစ်ဆေး ဆောင်ရွက်ခဲ့ရာစားသုံးသူရေးရာဦးစီးဌာနမှမြို့နယ်တာဝန်ခံကလည်း ရောင်းချသည့်ကုန်ပစ္စည်း (ဥပမာ-ဓာတ်မြေဩဇာ၊ပိုးသတ်ဆေး၊မျိုးထုတ်)များတွင် တောင်သူများအလွယ်တကူ သုံးစွဲဝယ်ယူ တတ်စေရန် ကုန်အညွှန်းအမှတ်အသား၊ မြန်မာလိုပြည့်စုံစွာပါဝင်သည့် ပစ္စည်းများရောင်းချရန်နှင့် အလေးချိန်မှန်ကန်စေရန်၊ ဈေးကစားလို၍ သိုလှောင်ထားရှိပြီး ရောင်းချမှုမပြုစေရန်ကိုလည်း လုပ်ငန်းရှင်များအား အသိပေးကွင်းဆင်းစစ်ဆေး ဆောင်ရွက်ခဲ့ပါကြောင်း သတင်းရရှိပါသည်။
DOCA(ပဲခူး)