ညောင်တုန်းမြို့နယ်အတွင်း ဆန်နှင့် ဆန်ကွဲတင်ပို့မှုများကို လစဉ်တင်ပို့လျက်ရှိကြောင်း ကွင်းဆင်းစုံစမ်းရာ ပြည်ပနှင့် ပြည်တွင်းသို့ တင်ပို့မှုများ ဆက်လက်ဆောင်ရွက်လျက်ရှိသော်လည်း ယခင်ကာလများနှင့် နှိုင်းယှဉ်ပါက တင်ပို့မှုပမာဏ ပိုမိုလာကြောင်း သိရသည်။
စုံစမ်းရရှိချက်များအရ ပြည်ပသို့ ဆန် ၂၂,၄၅၅ အိတ်ကို ကုန်တင်ယာဉ် ၂၉ စီးဖြင့် တင်ပို့ခဲ့ပြီး၊ ပြည်တွင်းသို့ ဆန် ၄,၆၅၅ အိတ်ကို ကုန်တင်ယာဉ် ၁၈ စီးဖြင့် တင်ပို့ခဲ့သည်။ ထို့ကြောင့် ဆန်စုစုပေါင်း ၂၇,၁၁၀ အိတ်ကို ကုန်တင်ယာဉ် ၂၈ စီးဖြင့် တင်ပို့ခဲ့ကြောင်း သိရသည်။
အလားတူ ဆန်ကွဲတင်ပို့မှုအနေဖြင့် ပြည်ပသို့ ၁၃,၇၈၀ အိတ်ကို ကုန်တင်ယာဉ် ၂၃ စီးဖြင့်လည်းကောင်း၊ ပြည်တွင်းသို့ ၂,၄၇၂ အိတ်ကို ကုန်တင်ယာဉ် ၅ စီးဖြင့်လည်းကောင်း တင်ပို့ခဲ့ရာ ဆန်ကွဲစုစုပေါင်း ၁၆,၂၅၁ အိတ်ကို ကုန်တင်ယာဉ် ၂၈ စီးဖြင့် တင်ပို့ခဲ့ကြောင်း သိရသည်။
ကွင်းဆင်းလေ့လာချက်များအရ လက်ရှိကာလတွင် ဆန်နှင့် ဆန်ကွဲတင်ပို့မှုများမှာ ယခင်ကာလထက် ပိုမိုတင်ပို့ လာပြီး လှေထိုးစပါးသစ်များ ကြိတ်ခွဲ၍ ဆန်စက်လုပ်ငန်းများ၌ စပါးဝင်ရောက်မှုများ ရှိလာကြောင်း သိရသည်။
မအူပင်ခရိုင် စားသုံးသူရေးရာဦးစီးဌာနအနေဖြင့် ဆန်နှင့် ဆန်ကွဲတင်ပို့မှု၊ စပါးဝင်ရောက်မှုနှင့် ဈေးကွက်အခြေအနေများကို စဉ်ဆက်မပြတ် ကွင်းဆင်းစောင့်ကြည့်၍ ကုန်စည်စီးဆင်းမှုအခြေအနေများကို အချိန်နှင့်တစ်ပြေးညီ စုစည်းတင်ပြဆောင်ရွက်လျက်ရှိကြောင်း သိရှိရပါသည်။
DOCA(ဧရာဝတီ)